مساء العافيه
براثن الهلاك
البارت 13
بقلمي. حنين العلي
بارت هديه لعيون الحلوه AshrafGhanem1
مو ذنبك
الذنب مو ذنبك انت
انت ما عندك ذنب
سلمتلك قلبي بايدي
كتلك العب بيه لعب
صدكت كل الكلام
قصص مليانة غرام
كنت بارع بالتمام تمام تمام
ومثلت دور المحب
الذنب مو ذنبك انت
انت ما عندك ذنب
الذنب ذنب الزمان
الجمعني اني بيك
لو ذنب قلبي الخدعته
صار لعبه بين ايديك
لو ذنب ذنب الضنون
اتصورت انت الحنون
لو ذنب هاي العيون
لو ذنب هذا القلب
فلوه...... كتله حبيبي
ابو الحسن.... عيونه
فلوه.... شذره بيا جنسيه تسجلها؟
ابو الحسن... بعد شهر وتصدر جنسيتج الجديده وصدك عذيب مسميج الين مادري منين طلعلي بهل اسم صاير مثقف ابو الوصخ
فلوه..... يعرف بيه احب مسلسل الين وعمر
ابو الحسن..... وبس تصدر الجنسيه لازم نرجع اعقدلج محكمه بأسمج الجديد لان ذيج جنسيتج انتهت وملفج احترك ماكو فلوه بكل السجلات وحتى الاحزاب وصللهم خبر طلاكج يعني بلقانون انتي طليقتي ومعايشه وياي،فلوه انتهت انسيها
فلوه..... سكتت واخذتني صفنه على. روحي شلون الدنيا افترت بيه وين راح تصفه بيه بيا محطه مادري ششوف بعد بهل دنيا احس روحي كبرت اضعاف عمري بقيت نايمه بحضنه لحد الصبح كعدت هو نايم اخذت شذره للكاروك نومتها هادئه تباوعلي عينها عليه افتر بلغرفه تحسستها مصخنه جسمها حار وتذب حليب من حلكها غسلتلها وشطفتها هو حس بحركتي كعد اشرلي بأيده شصاير تقربت منه خلاني بحضنه باس راسي
ابو الحسن...... شلون صرتي؟
فلوه.... الحمدالله بس صدري يوجعني
ابو الحسن..... ذكريني اخذج لدكتوره اليوم
فلوه.... لاميحتاج اسال عمتي بلكي تعرف شسويله
ابو الحسن..... كلشي خل يخرب بس المالديف اخرب عليها
فلوه.........همس هيج وتقرب اخذ شفايفي بين شفايفه اول مره من بعد غياب اشهر ملامسته الي رهبه خوف جرائه مستحه مني غمضت جسمي كله انتفض خطف بوسه من ركبتي بقوه بعنف كتله بهمس جسار كافي وميلت راسي عنه
ابتعد مني بدل وطلع وره ساعه رجع جايب ريوك شذره مصخنه شافها كال هسه اخذها اني وامي صدري احسه صاير جمر مورم يوجعني عيوني غوركت بلدمع ماريد اخسرها ياربي بدلتلها واخذوها وراحو اني يخاف عليه ماطلع ابد بعد الصار حتى مريم ورهف من يطلعن وياهن امن بذات رهف لان يوميه تطلع لدوام كلش هاي الفتره تغيرت ومهتمه بشكلها ولبسها عايشه حياتها ومطنشه كلشي حتى جسار تركته نهائيا
وره فتره اجه جابها خلاها بحضني كال لا ترضعينها مو زين
ثريا.....يمه عوفي حليبتج موزينه عليها يكولون مو زين حليب القهر انطاها علاج لاتخافين وابوها جابلها حليب ومميه احسن الج والها انتي هم ترتاحين من الرضاعه
أنت تقرأ
براثن الهلاك
Acciónحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
