براثن الهلاك

البارت الرابع والعشرون

مساء العافيه

براثن الهلاك
البارت الرابع والعشرون
بقلمي..حنين العلي

فلوه.... طلعت لكيتهن يتشاورن وشروق شكلها ضايجه الدمعه بعينها وكفت انشف شعري شمس نامت وشروق طلعت من الغرفه ضايجه استحيت اسألها شبيج بس واضح بسبب قسم لان عيونها فاضحتها تحبه حب موطبيعي وحتى هوه يحبها بس ماعرف ليش هيج يتصرف وياها

شروق....... ابالي الف سالفه قسم حيرني ابتعد يقترب اقترب يبتعد  تندمت لان هيج حجيت وياه كعدت مقهوره شلون هيج سويت اني متأكده يحبني بس هوه اسلوبه مستفز وغثيث لازمه التليفون بيدي  كل شويه اريد اخابره واتراجع
طلعت لسطح كعدت وره البيتونه على سطح يم  التانكي دكيت مرتين  انطاني رفض دزلي رساله شويه واخابرج  ابوي يمي
انتضرت دقايق
خابرني
جاوبته

قسم....... مبروك على الخير اخوج نال الطيره صارت بعشه

شروق....... الله يبارك بيك اي اخذها وصارت حلاله

قسم.... شرايده متصله
شروق...... اريد احجي وياك
قسم...... ليش تنكرين وتجذبين  روحج انتي رايدتني مثل ما اني اريدج
شروق........ بجيت
قسم..... ليش تبجين
شروق..... اسمع صوته  سحب نفسه وطكه الجداحه تحرك من مكانه كتله
انت وين كاعد

قسم..... بلسطح كبالج. دير بالج لا احد يلكفج بهالليل

شروق....... لا ماكو كلهم جوه
قسم..... زين  ذكيه مدري ملعبه ما عرف شخصيتج

شروق..... ذكيه مو ملعبه

قسم..... احسج تلعبين على الحبلين لا انتي رايدتني ولا انتي العايفتني

شروق....... بجيت شهكت قسم  اني مو هيج والله

قسم...... لا تبجين صوت  البجي ما احبه ماحب اسمع لو اشوف واحد يبجي

شروق..... سكتت.

قسم..... ابن عمج ابو صماخ

شروق..... شبي منو بيهم

قسم... جواد  ابو الچراويه واكفلي مثل الموس بالزردوم

شروق..... يريد شمس واخويه ما ينطي

قسم..... زين جم  ابن عم عدج

شروق...... اهواي بس مو كلهم يجون علينه
جواد ومروان دائما  يمنه واحمد همينه

قسم..... مروان طالب ابو الكليه العسكريه

شروق.... اي هوه

قسم..... خوش ولد

شروق...... اي خوش ولد وحلو هم

قسم...... السانج شوكت تكضبينه

شروق.... ليش شحجيت
قسم.... سلامتج انتي شتريدين مني
شروق...  سكتت
قسم.... احبج واحب فطاريتج
شروق..... ابتسمت وكفت افرك بركبتي
قسم.... شفتج تره كعدي بمكانج
شروق.... وين شفتني باوعت
على السطح ما شفته ضلمه
قسم.... ليش اشوف الحب بعيونج ليش روحج فاضحتج