. ضميني وكتمي بداخلج ضمي العشك جوه
احنه بوطن مابي شوك وطن ما يفهم اليهوه
ما يفهم شكو بصدرج ولا يفهم شكو بصدري
اني ادري عشكتيني بس الوطن ما يدري
لتسهرين لتحلمين ودموعج تطيح اركاض
مثل هدت ابن ادم لو فزع هادود
وطن عطره نتن يتنفس البارود
لتعشكين ما يفهم حجي زلوفج
ولا يتمنه تنحبين
وطن صاير صخر وانتي بعدج طين
ضميني يبنت الناس مثل ضمت تراجي عيونها ع عيد
مثل معضد وحيد ومختنك بالايد
مامش امل نلتم والوطن بي خوف
عيشي بلا حلم عيشي ع كد اسمي
ولا تحجين للحيطان خافن ينهدر دمي
هاذ الوطن بس للموت هاي الديره مو النه
ولا بيه اثر منج ولا مني
ما غنو غنه العشاك بس المكبره تغني
يبت باجر يبت السهر يكحيلة ولا تبجين
هاي الوادم تميز ادموع الزين ادموع العاشكه ايلمعن
مثل نجمة عشك متروكه ع شباج
مثل لمضت الشيب الطلع لليهواج
ولا تحجين ولاتكولين انه العاشكة البعيونه المسبية
ولا تفضحين كلبج انتي بدويه
ادفني اعيونج ابجفج يبت الكمر والنجمة
يسباحة الروح التندفن بالروح
ويا شهكت مسك من تختنك وتفوح
وعوفي سوالف العشاك هاي الوادم اتعور
وعذريني يبنت الناس ضل العشك مبيه
مساء العافيه
براثن الهلاك
البارت 12
بقلمي حنين العلي
فلوه....... عمتي عافتني ونزلت اسمعهم مخبوصين تكول لجسار مريم واكعه من الدرج وعليها الدوره وصاير عدها نزيف ومتأذي الرحم ماعرفت شنو صاير،بلضبط مجرد طراطيش م
كلام اخذوها للمستشفى جسار وفارس وعمتي اني بقيت بغرفتي ماطلعت حاطه شذره بحضني ماريد افاركها لحضه حتى للحمام اخاف اطب واعوفها ماعرف شبيه اكو شعور مراودني يكلي راح افقدها
مر اليوم ماكو شي،كاعده وحدي محد اجه وسأل عني جنت جوعانه وماكدر انزل للمطبخ وشذره تبجي ماعرفلها حايره بيها وبعمليتي توجعني هيه تبجي واني ابجي وياها نفسيتي صفر جوع وتعب وقهر بس بذني احس شويه وطبت رهف شايله بيدها صينيه اكل تمن ودجاج وشوربه ودولكه لبن.وزلاطه باوعت لدجاج مكسب يخبل بذات الجناح اموت عليه والتمن ريحه الهيل تفوح منه هيه طبخها كلش طيب ماشفت وحده مثلها تطبخ نفسها طيبه بطني موتتني من الجوع ومنضر الاكل دوخني لان ارضع اجوع
رهف.....تعالي اكلي سويتلج اكل الشوربه زينه الج وانطيني شذره انيمها
فلوه.....كيفت جنت كلش جوعانه انطتيها وكعدت اكل لحد ماشبعت احس بطني نملت نيمت شذره واخذت الصينيه وطلعت تقريبا ساعه عدت اجه شكله تعبان مهدود حيله بوس شذره وذب ملابسه ونام اني كوه تحركت رحت غيرت ملابسي ومشطت شعري ونومت بنتي بسريرها لان جانت على فراشنه هو متمدد نمت يمه
غمضت عيوني رجف كلبي على ريحته وجكارته بحلكه كلشي بيه مشتاقله مشتاقه لحضنه وريحته مشتاقه انام وافز واني بين اديه مشتاقه احس بحنيته عليه حسيت بي صار قريب مني
خله راسه على جتفي ما حجيت ولا تحركت لزم اصابع ايدي يحرك ايده عليهن بس حرف ما نطق
نام بهاي حركته وغمر راسه ع جتفي ما اتعمق بحركته ابد كانو مكتفي بهذا الحد اثنينه انجرحنه ونهد حيلنه مالي غيره ابو بنتي بس شلون تخلص ماعرف مصيري، مجهول مر اربع ايام وصارلي سبوع من ولدت باجر موعد اشيل الخيط
اجت شروق للبيت وطلعت مريم من المستشفى اخذني محمود وعمتي شلت الخيط شويه صرت احسن واخف
جسار التحق خلالي مصروف يدحكلي بنضرات هادئه وغريبه ابد ماحجينه من يوم الرجعت لاعاتبني ولا عاتبته كلمن ضم وجعه بكلبه شنحجي وشنكول الكلام ضايع بينه جرحهم ماطاب ولايطيب الخسروه هواي واني السبب مالي عين احط عيني بعينهم شعور صعب تعيش وسط ناس محابين وجودك بس قبل لايطلع بوس شذره و باس راسي وطلع
أنت تقرأ
براثن الهلاك
Acciónحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
