مساء العافيه
براثن الهلاك
البارت 17
بقلمي. حنين العلي
حتى من اگول انة انتهت ...!
يتوسد بليلي حزن واتذكرك بالشهگة
ودموعي تتسابگ سرة
ياهي لتطيح بحرگة
يل عودتني اعلة السهر
ما ادري لمفارك محب
من يجي الليل يخنگة
وما ادري لمضيع ولف
يتحسر اعلة الشبگة
الموت صح كلش صعب
بس اهون من الفرگة
شروق..... مرت الايام والاشهر فرحتي بهذا الدنيا انطفت ماكو فرح وجعي يوم عن يوم يزيد صارت تخيلات براسي واوجاع بجسمي تفوق بشر يتحملها جنت اصبر واتحمل ابجي واكول اني قويه بس تمر عليه خنكه غروب وذكرى من الراحو تخليني ارجع لنقطه الصفر
اتعرفت على بنيه من الفيسبوك اسمها ام محمد من الكروب صرت احجيلها حياتي
جانت دائما تحفزني اعيش واكمل واستمر تنصحني ونبقه ندردش اضوج اركض اركض احجي وياها ارتاح شويه انسه وجعي وهيه تنطيني طاقه ايجابيه
جسار جان يخفي عني جثير اشياء وچنت احس بس چنت اتمنه مايجي يوم من الايام يغدرني ويجي يكلي الشي الي خافي عني
اراجع دكاتره واطباء بأربيل جانت حالتي ماتتحسن ارجع مأيسه عندي تلف بالاعصاب بشكل غير منتضم ساعه امشي وساعه حالي حال المعوق اتحسر على المشي امشي على. كيف مثل الطفل اول ميبدي يتعلم مشي ماكدر امشي مثل قبل يتجمع الدم برجليه وبعد ماكدر احركهن كتبلي الدكتور عكاز وجابهن جسار بس رفضت امشي عليهن بذات بلجامعه
مرات استخدمهن بلبيت ومن اشوف نضره شفقه اهلي عليه ونسوان اخواتي اكرهه روحي واوكع انهار لحضاتي جانت تمر مثل السم لو شأحجي واشرح المريت بي ماكدر اوصفه جنت عاجزه اني والميت سوه ماجنت احس روحي عايشه ابد والله جنت اصلي واصبر وارجع بكل ما عندي طاقه اذكره واذكر حياتي وياه
جنت انشر منشورات جثيره
والردود الله يرجعه سالم
اغص بحركه كلبي وابجي
عايشه وياه لحضه لحضه ما فاركني
هو فرحه ترست صدري. هو امل هو دافع اعيش
بهذا الحياه هو مكمل لحياتي رب العالمين انطاني قوه وصبر رب العالمين بكلشي اله حكمه
ما احجي ويه بشر جنت معتزله ادرس
شهد تجي يمنه اتونس وياها وطلعني من الجو هيه و محمود احس اكو علاقه بينهم مراقبتهم واسمعها تخابر جواد هواي ضجت من تصرفاتها ماعرفها شتريد
حجيت ويه محمود ردت اعرف شنو سبب اهتمامه بيها وليش يخرب عائلته زوجته شنو ذنبها صار عصبي من سألته كال
محمود....... عيب هالحجي ما بينا شي غير الصداقه لاتحشرين روحج بهيج سوالف
شروق...... ماقتنعت بكلامه حجيت ويه شهد عصبت مني وجان ردها الي
شهد..... حبيت شخص واحد بحياتي و مستحيل اكون انسانه منحطه و اخرب حياه غيري اخوج مزوج وعنده اطفال وبعدين انتي ماتعرفيني اني اسوي هيج؟ موعيب هاي مو اخلاقي اصادق واحد مزوج ولاثوبي اتختل بلترك واكضيها سوالف مكسره بس كلمن يشوف الناس بعين طبعه
شروق....احترمي نفسج شتقصدين
شهد....الله اعلم شمسويه وياه هل عافج وراح وضليتي هسه شحصلتي صح مخطوبين بس هاي حياه وموت مافكرتي يموت! تفصخون؟؟ الخطوبه موكلشي يصير بيها وموكلها تستمر الابنيه المفروض متنطي كلشي بوقت الخطوبه وتخلي حدود بين مايتم الزواج لان هواي بنات انطت كلشي بفتره الخطوبه وبتالي يا استشهد وعافها يا فصخو الخطوبه وتضل حايره بروحها
أنت تقرأ
براثن الهلاك
Acciónحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
