مساء العافيه على عيونكم الحلوه
نفتتح اول بارت من روايتنه الجديده بصلاه على محمد وال محمد
(براثن الهلاك)
(البارت الاول)
بقلمي...حنين العلي
الانبار. الساعه 11صباحا
شروق... يمه يمه عادي احف حواجبي.
ثريا... لا يمه اخوتج ميقبلون مالي خلكهم خل العرس يعدي على خير،.
شروق.... يولو مينتبهون بس احددهن امي حبييتي فدوه وافقي.
ثريا .. انتي سألتيني واني كتلج العندي بقت بكيفج.
شروق.... عجل ايه سويهن الي عرس اخوي وما اسويهن وانتي شمس متسوين حواجبج ؟
شمس... لا عيني ماسوي عاجباتني هيج اروح احصلي كتله من ابو الحسن عليمن.
شروق... والله حتلو انكتل اسويهن اليوم شنو يفشلن حتى المكياج ميطلع حلو على وجهي.
ايه ... ليش تردين تخلين مكياج حظرتج؟
شروق ..عجل بس انتي تخلين.
شمس....ولج شروق وانتي حاسبه روحج بعمر ايه لاتنسين ايه اختنه الجبيره.
شروق ..واني شنو؟؟ قابل زعطوطه تره عمرنه اني وياج 16 سنه بس انتي عايشه دور الطفله.
ايه ...سبحان الله ولا عبالك تؤم كل وحده طبيعتها شكل شيصير،لو شروق ام السان نفس شمس جان الدنيا بخير،
شروق...شنو ست ايه لازم معاجبتج شروق.
ايه .....اوجع شحجيت مجذبه شووو تعاي،خل اسويلج فضيها راح يجون عمامي وابو الحسن جاي بلطريق وين الله ويكسر ضلوعج ويعلمج شلون تحفين.
شروق...بومه وفاولت مدام عرضتيلي ماتهنه بيهن اليوم.
ايه ...يووول كومي عني كوووومي اني صوجي متعبه روحي واسويلج حواجبج جنهن حواجب زلمه.
شروق...لا خلفله عليج ولي عني هس اني اسويهن شناقصني ايد رجل.
ايه ....طبج طوب ام السان.
شروق....طالعه على اختي الجبيره عليمن.
شمس...شبيجن فضحتنه بيت عمي ابو جواد اجو ونسوانهم بصاله وانتن تتعاركن فضحتنه.
ايه ...كله من هاي الثوله ولاعبالك اختها الجبيره بس اني الها خل يخلص العرس واخلي ابو الحسن يطيح حظها.
شروق....سحبت الملقط منها بغرور وسويت حواجبي طلعن كلش حلوات شكلي كله تغير بس خايفه اخوتي ينتبهولي ضميت وجهي بلحجاب المشكله كل شويه وصاحو شروق سوي هاي وجيبي هاي واكفه بالمطبخ اسوي جاي واسمع صوت فارس صااااح شروق طلعت ركض بيده صندوك ابطاله ماي كال هذني الجن لنسوان دخليهن جوه حجاها ورفع عينه على وجهي وركز بحواجبي.
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
