مساء العافيه
براثن الهلاك
البارت الثاني
بقلمي. حنين العلي
سامحيني..
بداعت اول كلمة كاتبلج أحبچ
من يدگ شباچكم عصفور
والدنيا مطر
گولي محبوبي اجه وفلي الشعر
من تچي نسمه خفيفه أتناغي ترچيتج برد
كولي محبوبي كعد
كولي محبوبي برد
فلوه..... ضليت ابلع الغصه مشتاقتله ميته ع ريحته اندك الباب بس اني موجوده بلشقه تقربت منه اندك بقوه خفت افتحه صاح فتحي لاتخافين
اركز هوه اي هذه صوته فتحت الباب بسرعه
هو منتجي عالحافه مالت الحايط
تلاكينه وجزتني العين ؟
وحسيت الجدم ثكلان مابين العشك والخوف،•
ابو الحسن...... السلام عليكم
فلوه..... وعليكم السلام
جان كلامي رسمي وياه مانطيت اي رده فعل بس رديت السلام جان يباوع على وجهي مركز بعيوني مايرمش دخل وكف يم حايط الصاله بلممر قريب الباب مبين شكله تعبان ايده بعدها ملفوفه وراسه مبين اثر الضربه بي باوعتله بحزن التفت عليه كتله تعال لصاله ليش واكف
ابو الحسن...... لا ماكو داعي مالي مجان هنا اجيت اشوفج وارد لهلي
فلوه..... سحبت نفس الغصه وكفت ابلعومي الله يعيني على فراكك كلبي نغزني بوجع قوي سره بأيدي اليسره كلش اذاني كلبي تقربت منه
دحكت لعيونه. تعبانه مبين من السهر
شيصير لو كل البشر مخلوقه من لونك
تتعبني الخلگ بس راحتي عيونك..
وجهه اصفر كتله ليش هيج شكلج شكد تعبان
ابو الحسن..... بكد رحمه الله
فلوه.... تعال اكعد ارتاح لاضل واكف
ابو الحسن..... كتلج مالي مچان اهنا مريت لهينه اشوفج خاف محتاجه شي من طلعتي مالحكت انطيج مصرف عافيتج شلونها وراي طريق هم يلا الله
فلوه....سكتنه ثنينه ماعرف شحجي ضاع الكلام وتلاشت الاوجاع.والشوق وحده بقه ينادي ويدك بصدر كل واحد بينه
ابو الحسن..... شلونج يابه
فلوه..... ماتحملت نزلت دمعتي كتله مو زينه ابد شهكت
ابو الحسن.....اشوف العكس
فلوه....سكتت بس دموعي نزلت خجلني يحجي ابرود وعينه تجول على شقه ويرجع يثبت نظره على عيوني وينزل لركبتي بحركات سريعه
ابو الحسن.....شتكولين استاهل هيج تجافيني
فلوه....اكيد لا
ابو الحسن....ليش هيج سويتي ولج وادمي وكرايبي كلها حطت الملامه بكصتي
لامَوني هَلي ورَديت
وثَيابي تعاتبني وبَعدني أهَواك
أغَربل مَاي أشَـوة ولا اگول أنسَاك
فلوه....موقصدي احطك بهيج موقف ابد بس
ابو الحسن....شنو البس بشنو اذيتج حتى هيج تجازيني اخاف احجي وتكولين عيرني بس قسم بالله ماستاهل الصار والحر،تكفي الاشاره
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
