مساء العافيه
براثن الهلاك
البارت التاسع
بقلمي حنين العلي،
شروق.... خلصت الفاتحه وصفه البيت عليه وحدي كاعده بغرفتي كلها اختفت ايه راحت لبيتها سرسحانه كاعده توكل ابن اياد رهف جانت. تراجع علاج طبيعي علمود رجلها لسه ماتمشي عدل عليها محمود يمنه صار ايام ماعافنه زوجته يم اهلها هيه وبناتها
جسار شكله تعبان عيونه فد مره صايرات من القهر اسمعه يحجي وي فارس يبحث بلموضوع ومنو سوه هيج لا ليله ليل ولانهاره نهار يطب للبيت يغير ملابسه ويطلع بسرعه ودوم سلاحه وياه وحمايه مطلع ابوي وامي من يشوفوه روحهم تفرفح لايكعد ولايسولف وياهم يطب ساكت ويطلع ساكت الهم كتله واخذ عافيته هواي دور على فلوه بلا نتيجه ماخله مكان مادور بي اختفت افتر اربيل كلها ما الها وجود
جنت واكفه يم البراد اشرب مي وجسار كاعد على كرسي يستمع للقران دك مبايله فتح سبيكر كوه يطلع الحجي من بين شفايفه جنه مشغلين قران احمد علي العجمي سوره الاسراء خابره عذاب ارتجي يمي يريد يشرب مي شفايفه يابسه وجهه ذبلان
اسمع صوت عذاب كاله
عذاب.... هلا ابو الحسن شلونك خويه شلونك اهلك شلونهم
ابوالحسن...... عذاب ما تندل مكانها
عذاب.... لا
ابو الحسن......اعرف بيها ماتروح لغيرك
عذاب...... قسم بالله لو اندل اكولك وماخليك هيج
ابو الحسن.... اخوها مختفي عبالك فص ملح وذاب
عذاب..... اتركها بحالها
ابو الحسن..... شجاي تحجي عذاب لو اخر يوم بعمري ادورها واردها مو اني اليخلف بوعده بس رده فعلي جانت قاسيه عليها والغلط غلطي
عذاب....... فلوه نااار واليتكربها ينچوي وشوفت عينك حركتك حرك
ابو الحسن..... مالها ذنب حركتها وحركت روحي شلون اتركها وابني ابطنها وين راحت شلونها هسه منو مهتم بيها اخر فتره وضعها رجع اسوء من قبل
عذاب..... مادري والله اخابرها جهازها مغلق حذرتكم هواااي على عموم شي انتهه وراح لا الوم يرجع الراح والندامه تدك بلروح وتوكعك نحيل واهلك بركبتك فكر بيهم يجسار
شروق...... مسح على شورابه وغمض عينه سحب نفس بتعب
ابو الحسن.... شوكت تسافر
عذاب..... بعدني بالناصريه عكب باجر اطلع لسوريا
ابو الحسن..... مهونه يابه توصل وترجع بالسلامه شكد طول هالمره
عذاب.. مو معلوم عندي قضيه فلوه اخلص منها
واشوف الترقيه ما ضللها شي ترى عندك غيابات هواي خاف تنحرم منها جسار
ابو الحسن ...... ماحصلها انسه اخر همي
عذاب..... الله كريم بعدها الكلى مالتك توجعك
ابو الحسن.... عساها توكف واخلص من هل ضيم
عذاب..... الله يشافيك صير سبع لايهزك الصار هذه حال الدنيا واهلك ماعدهم غيرك يلا اترخص
أنت تقرأ
براثن الهلاك
Açãoحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
