مساء العافيه
براثن الهلاك
البارت العاشر
بقلمي... حنين العلي
شروق...... بساعه عصبيه فقدت واني اقره امنياتها فتحت غطه الجليگان وكع نفط على رجليه جان مملي اخذته وصعدت ركض ليفوك فتحت غرفه جسار القديمه اكو جداحات يخليهن بلمجر اخذت جداحه سوده خليتها بصدري ورحت على غرفته هوه وفلوه
شمرت النفط على كل مكان بالغرفه على ثلاجه على كنتور الباب والجربايه غركتها نفط الا احرك كلبه مثل ماحرمها من ابسط امنياتها ضل يماطل يماطل لحد ماراحت محسره
كعدت بالكاع ريحه النفط بخشمي ثوبي وكع عليه النفط فتحت باب الغرفه شغلت الجداحه وشمرتها بلنص من هاي الي اذا اضل ضاغطه تبقي مشتغله شمرتها واريد اطلع النار لحت ثوبي الخاولي على باب موجود سحبته بسرعه طفيت طرف ثوبي احتركت ايدي النار حركتها كلشي صار بدقيقه طلعت للحمام اركض غسلت ايدي تأذت هواي بس عجيب ابد ما حسيت بألم احس، وجع روحي مسيطر عليه الغرفه صارت عباره عن دخان
صوت شي يطكطك يمكن الثلاجه واكفه واباوع اجو كلهم يركضون عالدرج محمود وفارس يصيحون النار حركت الباب الخشب مجمر نزلت بالحوش اركض كلهم يصيحون يردون يطفوها جسار جان واكف اباب الاسقبال شفته
هز راسه انتي موو
ضحكت شلون مو اني اكو غيري كلبها محروك بهل بيت دموعي نزلت محمود. يصيح اطفائيه مروان اجه يركض فصل قاطع الكهرباء، الجيران التمت جسار رجع للغرفه ماحجه ولا حرف
بيتنا صار كله دخان ما يطفه النار تطلع من شباك حته البيتونه نملت دخان ارجف حيلي انهد تندمت لان هيج سويت بس كلبي يوجعني اريده يرتاح اريد يحسون بحركه كلبي
جنت ما لابسه شال شعري طالع
محمود نزل يصيح باسمي صاير، نار
محمود..... اليوم اذبحها والله ووووولكم انطونياااااها العرمه الحقيره جان حركتنه الجلبه الخبله سويج محد يصدك هاي سويج مخبله
شروق...... طلعت ركض ضميت روحي وره الترك يم التانگي واسمعهم اصوته شعلوه الجيران طلعو
جسار اسمعه عاط بيهم
ابو الحسن..... اليمد ايده عليها اطلع جممررره كلبي، بي الحتررررركت غرفتي موووووغرفه واحد تروحلها فدوه
شروق..... احمد ومروان ومحمود متحلفين بيه
دموعي تجري اضرب على خدي ليش هيج سويت ليش ليش جسمي كله يرجف كلش ضوجتهم اذا يلزموني يموتوني
ضامه روحي وابجي راسي بين رجليه وامسح بدموعي رفعت راسي واشوف شحاطه كدامي
شفته واكف كبالي دنك حضني خله راسي على صدره كتله جاي اموت والله
قسم..... اشش يومي كبل يومج
شروق..... قسم تفهمني والله نار بكلبي نار مادري ليش هيج سويت جسار، خطيه بس ماكدر اسيطر على اعصابي
قسم..... تعالي كومي وياي
شروق..... مشاني جانت دنيا المغرب
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
