مسائكم صحه وعافيه
🌺(براثن الهلاك)🌺
(البارت الثالث عشر)
🌺بقلمي.حنين العلي 🌺
فلوه...... بطلت ابجي بسبب الرعب الحتل كلبي
فتحت عيوني اترقب بيا لحضه يتهدم البيت على
راسي لو يطبون الدواعش عليه لو ولو الخوف
احتل كل ذره بيه حرت وين اروح وين انطي
وجهي دخلت جوه القرويله من الخوف تكرفصت
وجريت الجرجف نزلته من الجوانب حته ما ابين
من جوه صوت طلق ورصاص يطافر منا ومنا
يلطخ بالحديد وبلحيطان بقيت اردد الهم لا
اسألك رد القضاء وانما الطف بي واستغفر
اصوات الصراخ واعياط الجهال اصوات ناس
تتراكض بس صوت. البساطيل والعياط
ابن الزنا اليوم اخلي صوتك للنجف يوصل
ابن اليل صوت الجيش العراقي يسبون ويغلطون
على دواعش غلط غلط سديت اذاني ماريد اسمع
شي ضليت للساعه 1 صوت الرصاص ما وكف
بديت اجوع. مماكله شي طلعت من مكاني
طلعت اباوع من الرازونه الجيش العراقي
منتشر عرفتهم من لبسهم لبسين جيش مرقط
وقسم عسكري ساده اكيد. العصائب
واكو بيهم عمايم واكو لبسهم اسود اسوات من
جميع الفصائل والاصناف والمدافع والصواريخ
والبيوت محتركه نسوان واطفال وشياب
بالساحه مجمعين قريبه على المقر مالت داعش
ضباط جنود يفترون يفتشون نزعت الشال من
راسي خنكني وبردت لزمتني البرده ارجف من
الخوف رجعت كعدت على الفراش مالت عذاب
خليت شماغ عذاب على راسي لفيته مثل ما هو
جان يلفه جراويه على راسي شعري كان مو
طويل هواي بس يبين من وره بهل اثناء اندفع
الباب بقوه دخلو مجموعه جنود وضباط تفتيش
اني فزيت مرعوبه وكفت بزاويه اخر الغرفه
ارجف ماسيطر على جسمي عيوني احسها
متخدره عقلي مبنج دموعي نزلت مسحتها بكل
قوتي حتى بشرتي تجرحت على كد ما امسح بدموعي
ساكتين الجنود محد حجه فتشو بكل الغرف تقرب الضابط من الحجيه رفع الغطه عن وجهه
واحد من الضباط حجه اخذوها وشوفو شنو سالفتها وحطوها ويه المعتقلين كتله
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
