مساء العافيه على عيونكم الحلوه
(براثن الهلاك)
(البارت السادس)
بقلمي..حنين العلي،
فلوه... اكلج روحي على عبد الاله كوليله المعيوبه ام السجن تريدك تعرفينه؟
اي اي اي اعرفه شورطتج لو ضاله يمه جاريه احسلج
فلوه.... انت ليش تشتغلين بالخدمه شعجب مو جاريه شعجب ماخذوج للخلوه؟
اني حركت جسمي من جوه وركبتي شوهت جسمي حتى اعيش
فلوه.... شوفتني جسمها شهكت وكتمت صرختي واني اشوف جسمها مصلوخ صلخ كتلها شلون تحملتي
سهله سهله سويتها وجعها اهون من وجع نضرتهم اليه ماتحمل واحد يتقربلي منهم ترى ام عثمان خالتي خالتي الله ياخذها
فلوه....يعني هاي السعلوه خالتج؟
اي خالتي حسبى الله عليها بسببها حركت جسمي لان رادتني للخلوه الامير
فلوه..... حسبى الله عليهم وعلى الطببهم بنصنه اكلج هسه ترحين على عبد الاله هذا العنده بنيه بقاطع التراويح
اي اي احاول اليوم عدنه وجبه اجت من سنجار نروح نستقبلهن
فلوه..... زين اكلج عفيه الالم موتني والدم شلون
اوكفه راح اموت باوعت عليه تلفت يمين يسار
اخذت ثوب قديفه من الحمام لفت جسمي وشدته على بطني وشكت الردن خلتها جوه مثل السوتها حفاظه الجو حاررر احس جسمي انلجع
ايديه اصابعي بيهن رخاوه احس مكسرات ما بيه
احرك جسمي بسبب ضرب الحقيره المتوحشه ام نعال طلعتني رجعتني للسجن نومتني مدري شحجت ويه
خالتها وطلعن نص الليل وكامت المره الحامل
تصرخ تريد تولد تصرخ تصرخ اجتي الجلاده ام
عثمان افترستها فحصتها اباوع عليها المره روحها
تصعد وتنزل عمرها نهايه الثلاثين عدها بنات
اربعه بصفها عرفتهن بناتها . يباوعن عليها ويبجن
يبجن ويصرخن عليها المره تباوع مثل الي تودع.
باوعت عليها اني متلفلفه بالبطانيه ميته برد بس
جسمي كتله من بركان من ناررر عيوني مركزه
عليها شلون تتوجع لحد اخر نضره وروحها
صعدت لسما لرب العالمين والجاهل طلع يصرخ
وهيه روحها طارت الغرفه الي مليانه بشر بنات
عددهم تقريبا 10 انترست دم ريحتها انترست
ريحه دم غمضت بس يا عين تغمض يا عين
وبناتها مثل الطيور المذبوحه يصرخن منهارات
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
