مساء العافيه
براثن الهلاك
بارت 16
بقلمي.. حنين العلي
فلوه.... امدده بفراشي سمعت صوت سامعته من طيب كمزت من مكاني طلعت اكمز على درج اني وكفشتي واشوف عذاب بنص الصاله ماصدكت صحت ابو يعرب هنااااا
عذاب.... يولي الحجاب يولي اللبسي حجابج كفشتج جنها نخل السماوه
فلوه...... ضحكت حضنته مشتاقتله صار هواي مشايفته عفتهم كاعدين وصعدت بدلت ملابسي ونزلت فرحانه فرحانه بي احس اهلي كلهم يمي اليوم باوعتله ابتسملي جان كاعد على. الفراش لازم الجكاره يفر بيها مخيم عليه الحزن بس دومه مبتسم كتله السلام عليكم
عذاب..... وعليكم سلام ورحمه هلا يابه شلونج
فلوه..... الحمدالله انت شلونك اخبارك
عذاب..... شو حدري هين يولي
فلوه.... كعدت يمه باس راسي
عذاب.... شلونج اخبارج
فلوه..... الحمدالله شبيك احسك ضايج
عذاب..... ما بيه شي يا يوم شفتيني مضل
فلوه.... دومك تضحك بس احسك مامرتاح
عذاب.... من افكد اعزاز المن اشتكي
فلوه... لربنا
عذاب..... عفيه بلسباعيه ترباتي اشتاكيتلج واجيت اشوفج اشوف شمحتاجه خو مامغثوثه
فلوه....لا الحمد الله ماعندي شي ومن شفتك ارتاح كلبي شكد صارلك بالعراق
عذاب........ مو جثير
شروق...... مرت الايام والاشهر اقره واتعب ذابه جهدي بدراستي فقط قسم كل اسبوع من ينزل يتعشه يمنه يلا يروح لاهله ومرات يبات عدنه جسار صار دوامه يومي حياتنه مستقره
جنت اتحسر عليه مامتعوده هيج نتفارك صار سنين سوه حتى قبل لا نحب بعض اذا ينام يمنه وره ما يروح اخذ مخدته بغرفتي و جرجفه جكارته باكيته كلشي اثر منه واضل اشم بريحته اتعلقت بي كلش صارت امتحاناتي. كل يوم اروح امتحن وهوه ساندني ومشجعني ما فاركني لحضه صار مثل خيالي يخابرني ويسألني على اجوبتي ويرجعلي وياي بكل خطوه
محمود صار يتعقد من تصرفاتي من الزم تليفون لو مرات من يسمعني اخابر يضل يحجي
جسار جان مغلس ماعنده تفكير الابنيه ميصير تحب يحب ينطينه حريه لكن بحدود ميعرف بيه عبرت كل الحدود وي قسم ابو الحسن الوحيد متفهم بيهم ويسمعنه ويتحملنه ويساعدنه وياخذ الامور بهدوء صعب اشوفه عصبي بس اذا شي يخص فلوه هنا يتخبل شكد حقدت عليه بوفاه شمس بس بأسلوبه وتعامله وطيبه كلبه خلتني اتندم شلون غثيته بكلام المفروض مااكوله
تاريخ 17 /8 /2019
قبل امتحان الكيميا بيوم
جنت اقره اتصل بيه قسم
انطيته رفض علمود اغير مكاني لان بالصاله افتر صعدت بالصاله مالت الطابق الثاني ماكو احد بس رهف وفلوه اتصلت انطاني رفض ورجع اتصل جاوبته كتله يا هلا اليوم مغبش عليه اسمعه سحب نفس وجر حسره
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
