مساء العافيه
براثن الهلاك
البارت الثالث والعشرون
بقلمي حنين العلي
يااما كلتي شلون انسى انسى لا مستحيل
كل كياني بدمي انته وليلي من بعدك طويل
تالي عفتيني بجروحي اهمس بأسمج يروحي
الكلب شيفيده وانفاسج بعيده
تمطر الدنيا حنين تمطر وتحيا الزهور
بلسما المح عيونج تداعب احلام الطيور
واسال الطير اليجيني اشرح احساسي وحنيني
بلكي يدري بالصدود منك وبلكي يعاتب
انتي يااغلى الحبايب ليش تنسين الوعود
تالي عفتيني بجروحي اهمس بأسمج يروحي
ابو الحسن..... اخوج متانيج مودعه بالله و ذكرينه بخير، يبنت الناس
فلوه...... كال هيج واحس كلبي انفطر، بلنص وروحي صعدت لسما معقوله خلص انتهه المشوار لا مستحيل اني احبه ماكدر اعوفه واروح مجروح مني ميستاهل هيج اكسر كلبه استوه راد يطلع صحت وراه جساااار جسااااار بدون وعي احجي جسار لا تعوفني جسار ماريد افاركك ماكدر والله ابتسم بعيون ممزوجه بالحزن كلش ضايج مافرح بس ابتسم ابتسامه خفيفه
ابو الحسن......عرفت ذيبتي،ماتغدر بيه ولج من كل عقلج تردين تعوفيني سمعيني زين راح انزل شويه احجي وياهم واصيحلج شكول كولي تم وخليها ابالج لو ذيابه الله كلها تنهش بلحمج اذكري اني بسدج اني ماعوفج اني اريدج هسه. انزل لو ناديتج. وردت كلمه منج كولي اني شاريتك ولا تضيعين حبي الج
فلوه....... ابتسمت غمض عيونه ورفع راسه نزل بسرعه يااااالله اني شلون ردت اعوفه يمكن حجيتها لان جهه شفت وضع اهله وجهه رهف بس من صارت صدك ماكدرت اعوفه مستحيل اكدر ابتعد عنه دموعي كامت تنزل حزن وفرح بنفس الوقت كلبي يدك سريع اني احبه اريده ربي لا تحرمني منه وسهل امرنه يارب
ضليت مدنكه ابجي اجتي شهوده تهلهل
شهد........ هلا بالعروس يابه هذه العرس الزززززين وهاي الفرررررحه الجبيره بويه اليوم اذب لحم.
فلوه.....طبت شروق نفس الشي تضحك وتصفك جنها خبله تمشي وتهز
شروق........ اليوم يوم عيد الا احرك الجو ولج شهود شغليلي ساجده عبيد وشرط شكل لامي، من اروح انكسرت الشيشه هاااا وهاااا وشعر،شعر،انعل يوم كرشي،اليوم من الركص اذوب الشحوم اخوي الحيد ماخذ ذيبته وراح تصير،حلاله ومنو ابو الحسن فديت كلبه اليوم احرك الجو حرك يابه
فلوه....... شغلن الا غنيه وكامن يركصن اجت سرسحانه شغلت اغنيه كردي وتركص شمس واكفه بالباب اني اضحك على سوالفهن فاتحات الشعر ويقلدن االراقصات وشروق تهز هز وترفع شعرها ليفوك تفر،بي متكابلات هيه وشهد
سألت شروق كتلها اكولج انتي من كالج اكو عرس
شروق........ ابو الحسن سمعته يحجي وي ابوي كال راح وره العشه اعقد على فلوه
شمس........ اني سمعت ماما تحجي وياه بس مصدكت اكلجن احنه ما باركنالها لمرت اخونه
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
