مساء العافيه
براثن الهلاك
البارت الثالث
بقلمي حنين العلي
بارت طويل تعويض عن البارت السابق
وحظرو نفسكم باقي اربع بارتات تقريبا وتهب العاصفه قووو قلبكم.
احبكم فردااا فردااا صدك زعلانه عليكم متردون السلام عليه 😒
ابو الحسن.....وهسه لازم نتحاسب مووو.
فلوه...... وكفت على طولي باوعت بعيونه بغضب
اي نتحاسب ليش لااا
ابو الحسن.....خاف احسابي يأذيج
فلوه....... اريد اعرف متزوجها بالقانون لو بس اني ضاله للمتعه
ابو الحسن..... حتى ارضي فظولج لا
فلوه...... احلف
ابو الحسن..... والله اني موجذاب حتى تحلفيني خوش
فلوه....حشاك موقصدي بس يمتى نعقد محكمه
ابو الحسن...... مقدم طلب يوافقون ونعقد محكمه
خلصتي
فلوه..... اي خلصت
ابو الحسن.... بدلي نطلع نتغده بمطعم
فلوه..... بعدني بملابسي ميحتاج اغير
ابو الحسن..... لا البسي شي احلى هاي صايتج جنها عريضه
فلوه..... شنو عريضه متشوفها شلون مخصره
ابو الحسن..... زين من حسيتي يول لازكه عليج لزك ترى ماحب هيج لبس
فلوه.....طلعت فستان لبسته هوه واكف يلبس بساعته مغير ملابسه كتله هذه حلو
دنك راسه ورفعه يباوعلي من جوه ليفوك ويمسح على شواربه
ابو الحسن...... حلو بس مطلعج زركه
فلوه...... جساااااار
ابو الحسن...... اني صريح والله طالعه زركه
فلوه... مشيت من يمه عوذه فشلني
لزمني من ايدي جرني لصدره ورفعني شالني من الكاع مخلي راسه بركبتي
مشتاااكلج يول
نزلني صار وجهي كبال وجهه
يتنفس انفاسي
يلعب بشعري
يباوع بعيوني
يلا بدلي بسرعه
رحت اخذت بنطرون كابوي بي ياخه من جوه ملونه بوقتها مديله وياه قميص وردي فاتح
وصايه سوده مشخله عريضه شويه لبست شال واكفه اعدل بي
حضني من وره التافيت عليه
صفن بعيوني
ابو الحسن..... ما رايد اذيتج يشهد الله رايد اسعدج ما ريد تندمين على زواجنه بيوم
فلوه..... نزلت دموعي اعرف تصرفي غلط واعرف اني مومناسبه الك ولاترهم اصير مرتك واعصابي مدمرتني بس اني ماسيطر على تصرفاتي ما اريد اجرحك واحرك كلبك لذالك اشوف الابتعاد عنك انسب حل
ابو الحسن...... منو كلج تصرفج غلط بس انتي ضايعه ماتعرفين شتردين سلميني روحج وابقي بضهري واني ادليج على طريق
فلوه...... تعبت مو كادره اتحمل هيه زوجتك والله اخاف اخاف بيوم تروح مني وانته تعرف كلش زين ماعندي غيرك بلدنيا انته كل اهلي
أنت تقرأ
براثن الهلاك
Azioneحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
