مساء العافيه
براثن الهلاك
البارت السادس والعشرون
بقلمي... حنين العلي
حبنه هيج بلايه صدفة بلاية موقف واعتنينة
عايشين اعلة الرسايل تدري بينة
شروق....... سمعت صوت حركه عفته وطبيت ركض جوه على السريع اركض عثرت بالحجاب صارت امي بوجهي
ثريا....... وين موليه وشبيج تركضين تعالي تعاالي وين جنتي هاااا
شروق...... لزمتني من حجابي مبين من عيونها عرفتني وين جنت الله جاب شهد طلعت من الحمام جانت تفرش اسنانها
شهد....... عمه هاي شبيج عوفيها
ثريا....... وين جانت موليه مكياج وحجاب تريد تصخم وجهي مالي خلك مشاكل خل تكمل فرحه جسار على خير وبلا مشاكل
شهد...... عمه على كيفج اني دزيتها تخابرلي امي تقنعها باجر ابات يمكم
ثريا........ شلون واليخابر بالترك هذ البيت شكبره شو بس شروق عاشكه الترك
شهد....... لا مو هوسه وطربكه واني طبيت اغسل وهيه ضلت تخابر
ثريا....... ما صدكت بس لخاطرج راح اعديها
والله يشروق مبينه وجهي تسودينه بفواينج
شروق..... بهل اثناء طبت عمتي ام محمد جانت يم الدرج
ام محمد.. طبعا اذا الركاصه نهار كله يمهن وتحش بيهن من الحبجيات شتترجين منهن يثريا عليج بس بسرسحانه راقبي بنيتج
شروق..... امي خزرتني وطبت للغرفه ضاجت حيل لان عمتي هيج حجت عفناها و صعدنه فوك حته شهد ما جاوبتها شمرت الحجاب بخوف كلبي يرجف سرسحاننه شافتنه
ولجن همزين مالزمتني امي
سرسحانه.......... تستاهلين والله انجلبتي شبيج شويه ثكل صخام بعينج مو رجال قندره شكد ذله نفسج علموده ترى هيه حجايه حجاها لا عبالج صدك مخطوبين
شهد........ نامن كافي لا تلومن الملامه ما رجعت ميت من كبره باجر عرس ابو الحسن لازم نكعد من الصبح
شروق........ شلون مثل هذه شنو معناه
شهد...... لو ضليتي تلومين بنفسج لو ما مسويه هيج لو شايفته لو محاجيه هيج الشي الراح ميرجع الندم ما يرجع شي مثل الميت من يموت مستحيل يرجع هيج الندم مادري فهمتي لا
شروق........ هزيت ايدي عليها ومددت بفراشي كلبي يدك سريع اهتز المبايل بصفي باوعت قسم جاوبته
ها وين صرت؟
قسم.......... الحمدالله عدت بسلام عبرت القطعه من السياج واجيتكم من باب الحوش
شروق..... هسه انته ابيتنه
قسم.......اي جاي يرتبون الكراسي ولد عمومتج وهسه اروح
اشتاكيت وحك الامام
شروق...... سكتت
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
