مساء العافيه
براثن الهلاك
البارت 14
بارت هديه بمناسبه تخرج متابعتنه الحلوه MlaAl-Haidari الف مبروك حبيبتي
الحنين بقلبي الك
كوللي عني شبدلك
رحتي من ايدية
الزعل ليش الزعل
جنا احلى من العسل
ارجعي ليا
لامتى تاني
ما اصبر اني
عنك ثواني
تزعل علية
زعلان اراضيك
وبعيوني اخليك
وبرموشي اغطيك
شوف الحنية
ارجع لاحضاني
حس باماني
صير بمكاني
وشوف الاذية
حبيبي شلونك
مجروح بدونك
داويني عيونك
ارحمني شوية
ارجع ياغالي
نور الليالي
انت على بالي
حس الي بية
فلوه..... ساعات مرت مثل الزقنبوت احس ابطني توترت كلش ميل الساعه دمر اعصابي حتى غثيان صار عندي من الانتظار جسار جان كاعد ينتظر مثلي لازم ايدي بقوه كل شويه تنزل دمعتي شروق جانت لازمه بنتي وتفتر وتكول اعوذه بالله منهم يقطرون المدراس تقطر شوكت تطلع رهف جانت تدعي تكول يالله سهلها انوب كلها ادحك عليه عائلتنه ينتظرون النتيجه خوفي من الشماته ابتسمتلي رهف
رهف....... الله لا يضيعلج تعب انتي تعبتي الله يدحك على حالج
فلوه...... محمود جان لازم الحاسبه ويباوع بتركيز يطلع الاسماء صاح اسمي وكمز وكف على طوله رجع يقره الدرجات دموعي جانت تصب ما متوقعه هاي درجاتي ابتسم ودموعي تنزل واكول مخربطين بالاسم هاي الدرجات مو اليه والله بعدين استوعبت من شفت اللمعه بعيونهم والفخر تعبت هواي سنتين اني اقره واتعب محمود
نفض ايده من الحاسبه وكال
محمود....... ووووووالله وجااااابتها الذيبه كفووو منج جنتنه 99 وووولكم 99
فلوه...... جانت فرحتي ما تنوصف شهكت وبجيت حسره يتيم فاكد كلشي مو فرح لا بجيت بخنكه صرخت ربي اعلم بحالي ياااربي لك الحمد ماضيعت تعبي جسار جسار كمز حضني بقوه صدك عيونه فرحت بذاك اليوم
اذكرت شروق وشمس شلون تعبو سنتين وما حصلو غير الرماد والبجي شروق جانت تمسح دمعتها بوجه شذره حتى لااحد ينتبهه الها وتكوللها
شروق..... مبروك ماما صارت دكتوره مثل حلم عمه عمه شموسه حلمها تصير دكتوره بس هيه بالجنه هسه وتضحك
فلوه..... جسار اقترب مني يمسح بدموعي اشهك جانت مو فرحه شي اكبر من الفرح لحد هاي الحضه من اذكرها جسمي يقشعر وابتسم ودموعي تنزل مامصدكه عوض رب العالمين بهل جمال
عمي باركلي وفارس ركض للمحل قريب علينه جابو شكو جكليت يابس عنده زرف روسنه يطش جكليت. ومريم فرحانه تكول الحمدالله احسن من رجلي طلعتي دكتوره وهو يكفخ بيها بالشقه رهف باركتلي
رهف...... مبروك ان شاءالله يطلع قبولج بالجامعه الي تردينها يارب
محمود...... عدها درجه دور اول يقبلها جامعه ديالى طب عام او طب اسنان حسب القبولات لان السنه ماكو درجات دور اول مثل درجتها الطلاب متكسرين نصهم دور ثاني
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
