مسائكم صحه وعافيه
براثن الهلاك
بارت التاسع عشر، هديه لعيونكم الحلوه
بقلمي حنين العلي،
فلوه...... هو فتح الباب ودخل اني مشيت وياه دخلنه من باب المطبخ تلكنه بنات هوايه اشرلهن يطبن رجعن طبن
وكف يم الكاونتر فتح ترمز شرب كلاص مي و باوعلي تقرب لزم ايدي
ابو الحسن....... جبتج لبيتي ودخلتج لحياتي ازود من هذا انطيج و روحي بيدج تراها صارت ماريد بيوم تكسرين ضهري كدام عمومتي واهلي واني دايملج ضهر بقوه الله
فلوه...... والماضي صعب انساه
ابو الحسن....... اني اخذ ذاكرتج تنسين وعد انسيج وكلمتي وحده
تدرين بالعربان تلزم الضفاير كبل لا تشدها
واني هيج وياج
فلوه...... لزم ايدي بقوه صار ضهري على الترمز احتضن وجهي بأيديه وضمني لصدره حضن قوي لزمت ضهره كأنو ابويه سندي ماريده يبتعد عني ولا لحضه صار اماني وملاذي وكل كياني
بجيت صارت دموعي على بدلته
ابتعد مني ومسح دموعي
ابو الحسن......بدلتي وسلاحي نفس غلاه دموعج عندي وحك من زرع حبج بكلبي وحك من خلاج ابالي ماعوفج ابد حبيتج ليش وشلون وشوكت ما عندي جواب
فلوه...... ابتسمت اخذت نفس كلامه عباره عن راحه بحياتي محد حجه وياي هيج حتى طفولتي مهمشه جانت اهلي بس دلال بس ماجنت اشوف اهتمام منهم مثل اهتمام جسار من اسمع صوته لو ايده تلامس ايدي اضيع واتبخر مثل السحاب وكل جرح بيه يطيب
شفت وحده واكفه ورانه رفعت حواجبي اله هزلي راسه وعكد حاجبه شنو
التفت عليها وحده واكفه متخوصره
شروق......... يا حيالله من جانه هلا يابه الطيره نورت بيتنا اليوم
فلوه....... ابتسمت منور بأهله
ابو الحسن...... اقدملج اغلى وحده على كلبي شروق اختي ام الفواين
فلوه....... تقربت بوستني.
شروق.......... انتي فرحه كلبه لاخويه اخليج بعيوني
فلوه........ شفت اثنين هم واكفات وراها
ابو الحسن........ شروق دير بالج عليها بس ابدل وانزل شوفيها.شتحتاج فهمتي
شروق........ اي يابه شايفني غبيه
فلوه...... هو عافني وراح يمكن امن عليه ويه اخته
شروق........حرف ما تحجن هاي امانه ابو الحسن يمي يلا ولن لاتضوجنها
شمس....... اكلج عايشه الدور هواي ما تنجبين غير نعرف هالبنيه منين شجابها يم ابو الحسن
شروق...... شموس والله اصيحله ليش تغلطين
شمس.... اكلج ونبي مغلطت انتي كلتي تولن واني كتلج متنجبين
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
