مسائكم صحه وعافيه
(براثن الهلاك)
(البارت الثاني عشر)
بقلمي... حنين العلي
شروق...... طلعنه للسوك كلنه كل اثنين راحن
بجهه سرسحانه وشموسه وايه راحن يشترن
فساتين اني وعمتي ورهف ومريم. اشترينه ذهب
وراها اشترينالها ملابس بيت دشاديش وتراكات
مال نوم وملابس داخليه وسوالف المزوجات
دخلنه للكوزمتك اشترينه كريمات ومكياجات
ابو الحسن انطاني فلوس كال اشتري لعمتي ام
امجد اشتريت الها ملابس جبه حلوه مرتبه وشال
وشحاطه وملابس بيت خطيه لان وضعها تعبان
ورجلها نفسه عزيزه ميقبل عمامي يساعدوها
واشتريت فستان لون ماروني. فاتح بس حلو ومستور كتلها هاي هديه لميسم
ام امجد...... يا عيني يا عمه ما محتاجه ملابسج الدزيتيهن حلوات وجاي يلبسن بيهن
شروق...... ميخالف عمه هالمره هديه مني لميسم اتمنيت تجي وتحضر ويانه العرس
شروق..... اشتريت الي فستان حلو مرتب مو مكشوف ستر كملنه . كلشي اجه ابو الحسن هوه و فارس محلق وكاشخ طالع حلو
طلع جواد من المحل المقابيلنه شايل علاكه صغيره سويت روحي ما منتبها خلاها بايد شموسه رجعنه للبيت لكينه شهد بنت خالتي جايه مبسطه بالحديقه ومخليه كتبها تقره شكد فرحت بشوفتهة كتلها
هلا يولو شلونج اخبارج مشتاقتلج والله
شهد .... هلا بيج عجل تغدرون بيه ما تكولون بنت خالتنه عدها امتحانات.ماخليتو العرس وره الامتحانات شهل خباثه
رهف......شنو ناخذ رأيج مثلا
شهد ... اني ماحجيت وياج حجيت وي بنات خالتي و انتي مو بنت خالتي ومكانج يم النسوان الكبار جوه احسلج ام فهد
شروق........ يولو تعالي اشتاكيتلج والنبي
شهد ....... انت ولي من يمي شموسه. وينها؟
شروق..... بسياره وي اجواد لان سياره ابو الحسن متكفي
شهد.... مطوره الامور واني اخر من يعلم.
شروق.....اي اي بعدنه واكفين نسولف طب ابو الحسن وفارس يحجون بصوت ناصي مامنتبهين النه بلحديقه ابو الحسن اجه اتصال وكف يخابر وفارس اجه علينه
فارس.....هاي منو عدنه هنا اليوم يابه اعذريني ما شفتج شلونج شخبارج وين هل غيبه
شهد.... معذور يابه معذور غير عريس شلونك اخبارك مبروك الزواج
أنت تقرأ
براثن الهلاك
Açãoحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
