السلام عليكم
اسفه جداا عن الانقطاع الصار
راجعتلكم وبحماس حتى نختم بأسرع وقت
براثن الهلاك
البارت 11
بقلمي.. حنين العلي
رسالة بلا ظرف وده
چا هيچ الظرف غالِي
رخيص تبينت عندك
هيچ الساعي گلالي .
فلوه.... ضليت متمدده على الفراش ما مرتاحه بطني ثكيله وجسمي ضعيف احس بضغط كوه اجر النفس هوه نايم على بطنه اباوع على وجهه تعبان كلش متغير الشيب متناثر بشعره جوه عيونه سواد شفايفه يابسه
احس روحي جوعانه مماكله شي بس محتره بعز الشته واحس احشائي مجمره من القهر اخذت ملابسي ورحت اسبح خليت ملابسي وكاسرت الدوش حار وبارد خليت الشامبو ودخلت جوه الدوش شويه و كمزت روحي شاطت نصلخت فروه راسي ونزل على ضهري المي الحار ضليت اكمز.وابجي من القهر كعدت بكاع الحمام مددت رجليه و ابجي شعري بعده بي شامبو راسي يحكني من الحراره جتفي احسه فركس من الحروره لبست ملابسي ماكو مي بارد اغسل بي حتى المغسله
طلعت للغرفه راسي مصلوخ ميته من الوجع هوه نفس نومته اكو بطل.ماي على ميز يم الجربايه اخذته ورجعت للحمام شطفت شعري بقه بي اثر شامبو لميته وطلعت افتر بلغرفه لازمه بطني دقايق واندك الباب فتحته امه طبت مفزوعه تكعد بي تكوله اختك انصلخت رجلها بالجدر
مال البلبي كعد يتملل طلع من الغرفه اني لازمه راسي جسمي مشتعل نار كعدت على الفراش ابجي من الوجع ماطلعت ولاشفت شصاير ومنو المحتركه مرت ساعتين فتح بااب الغرفه وطب جان مغسل يمسح بالخاولي
اني اتلوه من الوجع اريد شي يبرد جسمي وراسي من شفته مسحت دموعي ودرت وجهي عنه
.
ابو الحسن......بيج شي؟؟
فلوه.... دنكت مارديت عليه جان يحجي بحديه مونفس عادته احس الهضم كاتلني ابينهم
لا تطلـع ولا تنبلـع
غصهَ بـوسط صدري
خدران كلي من التعبِ
ميت عدل ما ادري💔
.
ابو الحسن.....يول شو دحگيلي ليش هيج اعصابج ترجف
فلوه...... انفجرت ابجي ماسيطر بعد على دموعي
ابو الحسن.... يولي شبيج منو وياج دحگيلي
فلوه... راسي موتني انفتح المي الحار عليه و جسمي انصلخ
ابو الحسن... شلون تكضي وشنو تاليها يلكوثر شو خل اشووووف
فلوه..... نفخ بضجر لزم راسي عطت من الوجع عاط بيه
ابو الحسن...... شنوو هااااي كل عقلج وسااااكته صار ساعه تفترين خررررسه ما تحجين
فلوه..... سكتت بس اشهك دموعي تنزل حاره مهضومه راح وره شويه جاب مرهم كعد على جربايه وكعدني بين رجليه كال
ابو الحسن...... نزعي ملابسج تاشوف
فلوه....... لا اني اخلي عاط بيه
أنت تقرأ
براثن الهلاك
Actionحكاية حب تولد وسط صدفة ملعونة گ شجرة يابسة لاتزهو بالثمار قلبها مكسور وروحها باتت بالظلام تنام سقطت بين أيادي الاقدار وللأقدار كان ياما كان.....
