បេមដកដង្ហើមធំៗហើយក៏សម្រេចចិត្តសួរលីសា...
«តើអ្នកនាងមានមនុស្សក្នុងហើយឬនៅ? ខ្ញុំ... ខ្ញុំចង់មានន័យថាសង្សារ។»
លីសាពេលឮបែបនេះនាងក៏រៀងគាំងមួយសន្ទុះដែរមិនថាត្រូវប្រាប់បេមរបៀបមិច ព្រោះជេននីប្រាប់នាងថាសុំទំនាក់ទំនងរបស់ពួកគេកុំទាន់អាលបញ្ចេញអោយអ្នកដ៏ទៃដឹងអី។
«អឺ... គឺ...» លីសាស្ទាក់ស្ទើរក្នុងការឆ្លើយ។
«កុំលាក់ខ្ញុំអីណា ប្រាប់ខ្ញុំតាមត្រង់មក ខ្ញុំនឹងមិនយករឿងនេះទៅប្រាប់អ្នកណាទេ»
«គឺខ្ញុំមានហើយ»
ពេលឮលីសានិយាយបែបនេះបេមគេក៏ធ្លាក់ទឹកមុខបន្តិច ហើយក៏ឈឺចាប់ដូចគ្នាព្រោះមនុស្សដែលគេខំលួចស្រឡាញ់មានសង្សាររួចទេទៅហើយ។
«តើ... តើជាអ្នកណា? អ្នកនាងអាចប្រាប់ខ្ញុំបានដែរទេ?»
«សន្យានឹងខ្ញុំសិនមកថាមិនយកនេះប្រាប់អ្នកណា?»
«បាទ! ខ្ញុំសន្យា»
លីសាដកដង្ហើមធំបន្តិចរួចក៏សម្រេចិត្តនិយាយប្រាប់បេម។
«គឺជាជេននី»
«ជេននី? អ្នកនាងចង់មានន័យថាអ្នកនាងគីម?» បេមគេនិយាយទាំងភ្ញាក់ផ្អើលព្រោះគេមិននឹកស្មានដល់ថាជាប្រធានរបស់គេសោះ ហើយណាមួយចរិកជេននីបែបនឹងទៀតអ្នកណាទៅដឹងថាគេឆាប់មានសង្សារបែបនេះ។
«អុឹម! ត្រូវហើយគឺអ្នកនាងគីម» លីសាងក់ក្បាល។
«អូ! ខ្ញុំចូលរួមអបអរផងណា» បេមញញឹម។
«ចាស៎! អរគុណលោកខ្លាំងណាស់បេម» លីសាញញឹមតបទៅវិញ។
«ការពិតទៅខ្ញុំមិនចង់លាក់នឹងអ្នកនាងទៀតទេ»
«លាក់? លាក់ខ្ញុំរឿងអី?» លីសាសួរទាំងឆ្ងល់។
«គឺ... ខ្ញុំលួចស្រឡាញ់អ្នកនាងយូរមកហើយ តាំងតែពីពេលអ្នកនាងចូលមកធ្វើការថ្ងៃដំបូងម្ល៉េះ។»
«ថាមិច? លោកលួចស្រឡាញ់ខ្ញុំ?» លីសាគេក៏ភ្ញាក់ផ្អើលបន្តិចដែរពេលឮបេមនិយាយបែបនេះ ព្រោះបេមតែងតែយកចិត្តទុកដាក់នឹងនាងរហូតតាំងតែពីថ្ងៃជួបគ្នាដំបូង នាងគិតថាគេធ្វើបែបនេះព្រោះនាងជាជនជាតិបរទេសមិនសូវស្គាល់គេស្គាល់ឯង ហើយនាងក៏ចាប់ទុកគេត្រឹមតែជាមិត្តប៉ុណ្ណោះគ្មានអីលើសពីនឹងទេ អ្នកណាទៅដឹងថាគេលួចស្រឡាញ់នាងបែបនេះនោះ។
YOU ARE READING
ជេននី គីមCEOរបស់ខ្ញុំ (ចប់✔️)
Acciónស្នេហារវាងCEOផ្ដាច់ការនិងនារីបុគ្គលិកថតរូបមុខស្រស់
