ងាកមកមើលជេននីនៅក្នុងក្រុមហ៊ុនឯណេះវិញ
តុកៗ សម្លេងគោះទ្វា
«ចូលមក» ជេននិយាយដោយសម្លេងស្មើរ។
«អរុណសួស្ដី អ្នកនាងជេននី» ម៉ៃណូដើរចូលមកទាំងទឹកមុខញញឹមញញ៉ែមព្រមជាមួយថង់យ៉ាងច្រើនយួរនៅក្នុងដៃ។
«លោកមកទីនេះមានការអីមែនទេ?» ជេននិយាយទាំងមិនមើលមុខអ្នកកំលោះ ភ្នែកសម្លឹងទៅកាន់កញ្ចក់កុំព្យូទ័រ។
«តើអ្នកនាងញាំអាហារពេលព្រឹកហើយឬនៅ? នេះខ្ញុំទិញវាមកសម្រាប់អ្នកនាងច្រើនណាស់» ម៉ៃណូនិយាយហើយក៏ដើរទៅដាក់អាហារទាំងនៅលើតុ។
«ខ្ញុំមិនទាន់ញាំទេ បើលោកទិញអោយខ្ញុំអរគុណច្រើនហើយ» ជេននៅតែមិនមើលមុខម៉ៃណូដដែល។
«បើអ្នកនាងមិនប្រកាន់តើខ្ញុំអាចសុំញាំជាមួយអ្នកនាងផងតើបានទេ? ព្រោះខ្ញុំក៏មិនទាន់ញាំអាហារពេលព្រឹកដូចគ្នា!»
«បើលោកចង់ញាំក៏ញាំម្នាក់ឯងទៅព្រោះខ្ញុំមិនទំនេរ ហើយលោកអស់ការងារអីជាមួយខ្ញុំឬនៅ?»
«បាទ... បាទអ្នកនាងអញ្ចើញញាំម្នាក់ឯងតាមសម្រួលចុះ ខ្ញុំសុំលាទៅវិញសិនហើយ» និយាយហើយម៉ៃណូក៏ដើរចេញពីកន្លែងធ្វើការរបស់ជេននី។
«វាយរឹកណាស់ណ៎អ្នកនាងជេននី គីម កុំស្មានថាខ្ញុំមិនដឹងថាអ្នកនាងមានទំនាក់ទំនងអីជាមួយនឹងលីសាម្នាក់នោះអោយសោះ ចង់ដឹងណាស់បើសិនជាអ្នកនាងឃើញមនុស្សដែលខ្លួនស្រឡាញ់ក្បត់នៅភ្នែក តើអ្នកនាងនៅស្រឡាញ់គេម្នាក់នោះទៀតឬមួយក៏អត់?» ម៉ៃណូនិយាយខ្សឹបៗម្នាក់ឯងនៅពីមុខបន្ទប់ធ្វើរបស់ជេននី រួចនាយក៏ញញឹមចុងមាត់បន្ដិចហើយក៏ចេញទៅបាត់។
ក្រឡេកមកមើលលីសាបន្ទាប់ពីជេននីចេញទៅធ្វើការបាត់។
«ហ្ហើយ... ខ្ញុំពិតជាអត់សុខខ្លាំងណាស់» លីសាដកដង្ហើមធំយកដៃញីសក់ខ្លួនឯងទាំងធ្វើមុខស្អុយ។
នាងរអ៊ូបានបន្តិចសម្លេងទូរស័ព្ទក៏ចាប់ផ្ដើមរោទន៍ឡើង។
«អ្នកណាគេអញ្ចេះ?» លីសាយកដៃទាញទូរស័ព្ទយកមកមើល បន្ទាប់ពីឃើញលេខហើយនាងក៏ញញឹម។
YOU ARE READING
ជេននី គីមCEOរបស់ខ្ញុំ (ចប់✔️)
Acciónស្នេហារវាងCEOផ្ដាច់ការនិងនារីបុគ្គលិកថតរូបមុខស្រស់
