ရှောင်းကျန့်ရှေ့မှာ ထိုင်နေသည့် သားသားက မရဲတရဲဖြင့် သူ့အဖေနှစ်ယောက်ကို ကြည့်နေလေသည်။ ရှောင်းကျန့်က စဉ်းစားသလို နားထင်ကို လက်ဖြင့်အသာခြစ်ကာ
*တစ်ကယ်လို့ ယူကြပါတယ်ဆိုပါတော့ကွာ သားက ဒီက ကလေးကို ဘာလုပ်ကျွေးမှာလဲ*
*ကျွန်တော် စာမေးပွဲဖြေပြီးတာနဲ့ ဒက်ဒီ့လုပ်ငန်းထဲ အောက်ခြေကအစ ဝင်လုပ်မှာပါ*
ရှောင်းကျန့် အကြည့်တွေက ရှင်းအယ်ဆီရောက်သွားပြန်သည်။ သား လက်ကို မရဲတရဲလေး ကိုင်ထားသည့် ကလေးက ရှောင်းကျန့်တို့ကို ကြောက်နေမှန်း သိသာလေသည်။
ဒါပေမယ့် ရှောင်းကျန့်က ပြောစရာရှိတာတော့ ပြောရလိမ့်မည်။ ကလေးတွေက ငယ်သေးတာလဲ ပါသည်။ သူ့သားကို ယောကျာ်းတစ်ယောက်ကောက်ယူပြီး မိဘရှာကျွေးတာနဲ့ စားနေတဲ့ကောင်လို့ ဟိုကောင်လေး၏ အသိုင်းအဝိုင်းဘက်မှာ အထင်သေးမခံချင်။
ရှောင်းကျန့်လဲ ဆိုးခဲ့ဖူးသည်။ ဒါပေမယ့် ကိုယ်ချစ်တဲ့လူအတွတ် အစအဆုံး မကောင်းတဲ့ အကျင့်တွေကို ပြင်ခဲ့သည်။ ထိုလိုအချိန်တွင်လဲ ချာတိတ်က သူ့အပေါ် ဖောက်ပြန်ခဲ့ဖူးခြင်းမရှိပဲ စောင့်ခဲ့သည်။
*ရှင်းအယ်ကရော သားကို တကယ်ချစ်လား။ ဦး ပြောတဲ့အကန့်ထဲမှာ သဘောတူမှုတွေ၊သဘောမတူတာတွေ မပါသေးပါဘူး။ ဒီအရွယ်နဲ့ စိတ်ကစားပြီး အမှားတစ်ခု လုပ်မိမှာပဲ စိုးတာပါ*
*ကျွန်တော် ကိုကို့ကို တစ်ကယ်ချစ်ပါတယ်*
ရှောင်းဝမ်က သူ့ဒက်ဒီနဲ့ အချစ် စကားပြောနေသည့်အထဲ တစ်ခွန်းမှ ဝင်မပါပေ။ ရှောင်းဝမ်က ချစ်သူထက် မိဘကို ပိုတန်ဖိုးထားသည်။ တကယ်လို့ ဒက်ဒီသာ သဘောမတူခဲ့ရင် အချစ်ကို စွန့်လွှတ်မှာတော့ မဟုတ်ပေမယ့် ဒက်ဒီလက်ခံလာနိုင်အောင် အစွန်းကုန်ကြိုးစားမည်ဟု တေးမှတ်ထားသည်။
*ဘာပြဿနာဖြစ်ဖြစ် သားနားမှာ ရှိနေပေးနိုင်လား။ ဦးရဲ့သားကို ယုံကြည်လား..သူ တစ်ခုခု အမှားလုပ်ပြီး မင်းအပေါ် လိမ်ညာထားရင်တောင် မင်း နားလည်ပေးနိုင်မလား*
ရိပေါ်က ဦးကျန့်၏ လက်ကို အောက်ကနေ အသာအယာဆွဲထားရသည်။ ကလေးတွေက သဘောမတူဘူးထင်ပြီး မျက်နှာတွေ ပျက်နေကြလေပြီ။ ကျန့်ကတော့ ထိုလိုမဟုတ်။ သူ့သားအတွတ် အကောင်းဆုံးဆိုသော လက်တွဲဖော်ကို ရှာဖွေပေးချင်တာ။
