ဦးကျန့် ရေချိုးခန်းထဲဝင်နေတုန်းရိပေါ် ယူလာသည့် စာအိတ်လေးကို ဖွင့်လိုက်သည်။ စမ်းကြည့်ရသလောက်ကတော့ ခပ်မာမာအရာတွေမို့ ဓာတ်ပုံဖြစ်လောက်မည်။
ရိပေါ် တွေးနေတာကိုရပ်ပြီး စာအိတ်လေးကိုဖွင့်လိုက်တော့ ထင်သည့်အတိုင်း ဓာတ်ပုံတွေ။ မြင်လိုက်ရသည့် ဓာတ်ပုံတွေက ဦးကျန့်နဲ့မိုင်၏ ပုံအချို့။ ကားထဲမှာ နမ်းနေကြသည့်ပုံ။ ပြီးတော့ ညကြီး။
ရိပေါ် တစ်ပုံချင်းကို သေချာလိုက်ကြည့်သည်။ ပုံတွေက မူမမှန်သလို ခံစားရ၍ ရိပေါ်စိတ်ထဲ တစ်မျိုးဖြစ်သွားသည်။ ဦးကျန့်ကိုတော့ အပြစ်မဆိုပါ။ ဒီအသက်အရွယ် ရောက်နေပြီ ဦးကျန့်က ဖောက်ပြန်ဖို့ ဆိုတာ လုံးဝမဖြစ်နိုင်။
သူသာ တစ်ကယ်ဖောက်ပြန်ချင်စိတ်ရှိလျှင် အလုပ်မှာ မိုင်နဲ့မကြာခနတွေ့ရလိမ့်မည်။ အခုကျတော့ မိုင်ကသာ လိုက်ကပ်နေပြီး ဦးကျန့်က ခပ်ခွာခွာပင်။
ရိပေါ်ဟာ မရင့်ကျတ်တဲ့ လူငယ်တစ်ယောက်လဲမဟုတ်တော့ဘူး။ အရာရာကို စဉ်းစားနိုင်သည့် လူကြီးတစ်ယောက်ပင် ဖြစ်နေလေပြီ။ အိမ်ထောင်ရေးကို ကလေးကလား ဝုန်းဒိုင်းမကြဲချင်တော့။ ပြီးတော့ သားသားရှိသေးသည်။
ဦးကျန့် ဖောက်ပြန်နေရင်တောင်မှ ရိပေါ်က လုံးဝမကွာပေးပဲ ဒီအတိုင်းသာ ရှေ့ဆက်သွားခိုင်းမည်။ သားသား အရှက်ရမှာမျိုး မလုပ်ချင်။
*ချာတိတ် ဘာတွေကြည့်နေတာလဲ*
ရေချိုးခန်းထဲက ထွက်လာသည့် ဦးကျန့်က တဘက်ဖြင့် ခေါင်းကိုသုတ်ကာ ခါးအောက်ပိုင်းတွင် တဘက်တစ်ထည်သာ ပတ်ထားလေသည်။ မျက်လုံးလှလှတွေက စူးရဲစွာ အမြဲတည်ကြည်နေသည့် မျက်နှာထား။
ညိုလွန်းသည်လဲမဟုတ် ဖွေးလွန်းသည်လဲမဟုတ်သည့် အသားအရည်က လူတော်တော်များများက သဘောကျကြသည်။
ချမ်းသာမှုဆိုတာကလဲ လူပျိုဘဝကထဲက။ ထိုလိုလူကို မိန်းမတော်တော်များများ လက်မလွှတ်နိုင်တာဟာ ပြဿနာတော့ မဟုတ်ပေ။ အထူးအဆန်းလဲ ဖြစ်မနေတော့။
*အဝတ်အစား အရင်ဝတ် ပြီးမှပြောရအောင်*
တည်ငြိမ်နေသည့် ချာတိတ်ကြောင့် ရှောင်းကျန့် ခေါင်းညိမ့်ကာ ဆံပင်ကို တဘက်ဖြင့် သုတ်လိုက်သည်။ ချာတိတ်က ထိုင်နေရာမှထကာ ရှောင်းကျန့်ဝတ်ဖို့ အဝတ်အစားထုတ်ပေးလေသည်။
