🍁انتقام الروح 🍁 بقلمي الشيماء

🍁بانتقام الروح 🍁 بقلمي الشيماء ( الفصل السادس)

(الفصل السادس 🍂🍂)

كان الأمر شبيهآ بكابوس بالنسبة لها ، اصرت عليها صديقتها بتناول الطعام معآ ولم تستطع الرفض مع اصرار سلمى وموافقة ورد التى لم تتأنى للتفكير بالعرض ووفاقت على البقاء .
كان الهدوء سيد الموقف ، الجميع يتناول الطعام بهدوء حتى قاطعه ادم بسؤاله

_ ويا ترى الانسة سارة والانسة ورد بشتغلوا ايه

نظرت له سارة بغضب ، شعرت انه تعمد قول ذلك ، فهذة الكلمة " انسة" تشعرها بالألم تذكرها بمعاناتها التى عاشتها من قبل، هي اساسا لم تنسى فذكر تلك الليلة الوحشية حينما هجمن عليها نساء زوجها السابق ما زالت تتذكرها بكل تفاصيلها رغم مرور السنوات الا ان آلآم تلك الليلة يصعب نسيانها

قالت ورد بسرعة كعادتها :
_ انا وسارة بنشتغل بمطعم
نظر ادم لها ثم ابتسم وقال :
_ وحضراتكوا خراجين ايه
اجابته
_ انا خريجة تجارة بالنسبة لسارة
صمتت ورد عندما تذكرت امر سارة فسارة لم تستطع الدراسة ، شعرت بالحرج ولعنت تسرعها وغبائها
لم يتركها ادم لتصمت فباشر سؤاله
_ انتي سكتي ليه
نظر ل سارة وقال :
_ انسة سارة حضرتك خريجة ايه
انه يتعمد اهانتها فهو يعلم كل صغيرة وكبيرة عنها لماذا يفعل ذلك ، انقذتها سلمى حينما قالت:
_ جرى ايه يا ادم ، انت فاتح تحقيق مع البنات ليه
_ ابدآ بس كنت بفكر اوفرلهم شغل عندي بالشركة
_ دا بجد
قالتها ورد بسعادة
_ طبعا انتو مش اي حد وسلمى بتعتبركوا خواتها فأنا حبيت اساعد مش اكتر بس ازا مش حابين خلاص
_ لا لا ابدا والله دا احنا موافقين وأوي كمان ، دا أنا كنت فقدت الامل اني اشتغل بشهادتي دا كان حلم حياتي والله
ابتسم لها ادم وقال:
_ خلاص كدا اتفقنا ، بس يا ترى انسة سارة رأيها ايه بالموضوع
نظرت له بقوة وقالت:
_ متشكرة انا مرتاحة بشغلي وبفكرش اسيبو خالص
ردت عليها ورد بسرعة وقالت:
_ مرتاحة ايه بس ، دول فاكرينا آليين بشغلونا طول النهار بأجر قليل دا غير الزباين الي بحسسونا اننا خدامين ليهم
نظرت لها سارة بغضب وقالت:
_ انا مرتاحة بشغلي ومش محتاجة عطف من حد متشكرين
استغرب الجميع من انفعالها الشديد فاردات سلمى ان تنهي النقاش فيبدوا ان صديقتها فهمت مقصد اخيها خطأ
_ سارة حبيبتي ادم قصدوا يساعد بس
ثم نظرت لادم وقالت:
_ وكمان يا ادم باشا انت كفاية عليك ورد اناهبقى اخد سارة عندي بشركتي الجديدة انا هشغلها معاية وهتفضل معاية طول الوقت
_ متشكرة يا سلمى انا مرتاحة بشغلي ومش عاوز...
قاطعتها سلمى وقالت
_ يا حبيبتي انا عايزك تبقى قريبة منى وعلى فكرة انا مش هقبل اي اعتراض
قاطع حديثم صوت منى :
_ طيب يا جماعة انا هقوم ارتاح شوية
التفت اليها سلمى بقلق وقالت:
_ طنط منى انتي كويسة حاسة بحاجة انا هتصل بالدكتور
_ يا حبيبتي اهدي دا تعب عادي بسبب السفر انا بس محتاجة ارتاح مش اكتر
قالت جميلة بود
_ سلمى اهدي
نظرت لمنى وقالت:
_ تعالي يا منى انا هوصلك لغرفتك
_ نانا منى هو انا ممكن انام معاكي
نظرت له بحب وشوق كبير وقالت:
_ انت تأمر امر يا روح نانا
امسك الصغير يدها وغادر معها ومع جدته جميلة
اما سارة فوجدتها فرصة للهروب :
_ احنا هنستأذن بقا يلا يا ورد
_ على فين كدا انتو ملحقتوش تاكلوا حاجة
ابتسمت لها سارة وقالت:
_ احنا شبعنا ومحتاجين نروح مش يلا يا ورد
_ قايمة أهو ، ادم باشا احنا على اتفاقنا
ابتسم ادم وقال:
_ بكرة الصبح هتلاقي سيارة ع باب بيتك وهتاخدك لشركة
ابتسمت له ورد وقالت:
_ متشكرة اوي اوي
لم تتحمل سارة الجلوس اكثر فغادرة وتركت ورد
_ سارة استني يا بت انتي رايحة فين من غيري