🍁انتقام الروح 🍁 بقلمي الشيماء

انتقام الروح 🍁 بقلمي الشيماء 🍁(٢١)

قرائة ممتعة 😍😍

( الفصل الواحد والعشرون 🌴🌴)

كانت تقف امام غرفة جدتها وهي مترددة في الدخول ... منذ معرفتها ما حدث وهي ضائعة ...لا تعلم كيف تصدق ما سمعته من والدتها ... هل يعقل انها تعيش بأكذوبة طوال هذه السنوات ... هل سبب تعاستها وسبب حرمانها من والدتها هي نفس الانسانة التى كانت تسهر عليها الليالي .. كيف لها ان تصدق هذا ..
فتحت باب الغرفة بعد تردد كبير ودخلت ، وجدت جدتها نائمة بهدوء اقتربت من سريرها ثم جلست تنظر اليها بدموع وهي تتذكر ما سمعته من والدتها .

" فلاش باك "

_ اسمعي يا بنتي ... انا عمري ما كرهت جدتك ولا تمنتلها الشر بيوم من الأيام بس هي للأسف عكسي تمامآ ... لدرجة انها كانت بتخطط تتخلص مني من اول يوم دخلت فيه القصر
_ ازاي !؟
_ انا كنت من عيلة فقيرة ، كنت حلوة اوي وكل واحد يشفني يطمع بيا.. عارفة كنت كل ما أشتغل بمكان كنت بلاقي الكل طمعان بيا .. الي عوزني ابقى عشقتو والي عوزني اتجوزوا عرفي ... وكل دا كان بمقابل مادي طبعآ،  وانا كنت برفض ولما أرفض أترفض من الشغل ... لغاية في يوم اشتغلت عند باباكي .. كان انسان محترم وبعاملني كويس اوي وانا كنت بحترموا اوي .. في الوقت الي اشتغلت فيه مع باباكي اتخطبت لابن الجيران كرم ... انا وكرم كنا نحب بعض من صغرنا اصلنا اتربينا مع بعض وكانت كل احلامي بيت يلمنا مع بعض ... كنت مبسوطة اوي اخيرآ اتحقق حلمي اتخطبت لحبيب عمري ولقيت شغل بمكان محترم بس للاسف الحكاية مكنتش سهلة زي ما تصورتها ..
_ ايه الي حصل ؟؟
_ باباكي .. حبني واتعلق بيا أو بالأصح بقيت هوسو .. وبقى عاوز يتجوزني مع انو عارف اني مخطوبة وبحب خطيبي ... بس حبو ليا خلاه أناني وعاوز يمتلكني بأي وسيلة ... جه وطلب ايدي من بابا وقلو انو بحبي ومستعد يعمل اي حاجة علشان أكون ليه و وطبعا بفلوسوا قدر يقنع بابا انو هو المناسب وانو كرم مش هيسعدني لانو مش هيقدر يوفري الحياة الي بتليق بيا ... وفعلا بابا اقتنع ووافق .. اصلو محدش هيرفض واحد زي باباكي ..
تنهدت منى ونظرت امامها وقالت:
_ بقى يعملي مشاكل مع كرم ... كان بيطلب منو حاجات صعبة كرم ميقدرش يوفرها بسبب وضعوا المادي .. شوية شوية بقا يمنعني أشوفوا لغاية ما قلوا انو مش مناسب ليا وعاوز يفسخ الخطوبة انا رفضت بس للاسف رفضي مأثرش بأي حاجة ... وفعلآ فسخ خطوبتي معاه وبعدها بأيام أتفجأت
بباكي بتقدملي وجدك يوافق ... وقتها عرفت كل حاجة
_ وعملتي ايه
_ رفضت طبعآ بس للاسف جدك أصر على الجواز ... حبسني بالبيت ومنعني اخرج منو لغاية يوم الفرح .. وجه يوم الفرح واتجوزت باباكي وفاليوم دا كرم سافر وساب البلد مقدرش يتحمل يشفني لحد غيروا ... اليوم دا كان اتعس أيام حياتي ، حصل الفرح وبقيت مراتو خلاص ... في البداية مكنتش متقبلة ابوكي ولا الحياة معاه وخصوصا مع وجود جدتك الي كانت دايمن بتحسسني  بالفروق الي بنا .. كانت دايمن تتعمد تحرجني بين ضيوفها وتقلل من قمتي ... مكانش يفرق معاية خالص لاني كنت رافضة كل حاجة .. بس الحال تغير بعد ما حبلت بليث .. تقبلت حياتي وتقبلت باباكي الي كان دايمن بحاول معي علشان احبو وفعلآ حياتنا اتجهت اتجاه تاني ... اتجاه كلو سعادة وحب وخصوصا بعد ما ولدت ليث .. كان باباكي معاية بكل خطوة ... حببني بكل حاجة وفعلا حبيتو وحبيت حياتي وبقيت ست مجتمع الناس كلها تعرفني وبتحترمني بس للاسف الحال دا مكنش عاجب جدتك كانت دايمن بتبصلي على اني  بنت الحارة الفقيرة وانو دا مش مكاني الطبيعي ، عمرها ما حبتني ولا شكرت فيا بالعكس دايمن تحسسني اني ست مهملة ومبليقش بالمجتمع الي هي عايشة فيه ، انا كنت مهتمش لكلامها .. علشان المركب تسير وميحصلش مشاكل ، كنت فاكرة اني بعد ما اخلف هتحبني بس  للأسف محصلش كدا خالص دي بعد ما خلفت كرهتني اكتر   .. دارت الايام وحبلت فيكي وحياتي بقت كلها سعادة لما جيتي .. بس للاسف حصل حاجة غيرت كل حياتي
_ ايه الي حصل
_ في يوم وصلي رسالة ولما فتحت الرسالة عرفت انها من كرم الي موجود بمشفى خاص وكان عاوز يقابلني... في البداية اترددت اروح واقابلوا بس اصراروا على انو يقابلني ورسايلوا  الي كان ببعتهالي خلتني اروح وأشوفوا... ورحت.... ولما رحت تفاجئت بيه ، كان  تعبان اوي كان باخر مراحل المرض ... بعد ما سافر اشتغل كتير لغاية ما بقى صاحب شركة بس للاسف اكتشف انو مريض وباخر مراحل حياتو  ...
صمتت قليلا وأدمعت عيناها ، امسكت ألمى يدها وضغطت عليها وقالت:
_ بعدين
مسحت منى دموعها وتابعت :
_ كان كل الي عوزوا اني ابقى معاه باخر أيام حياتو .. مكنتش عارفة اعمل ايه خصوصا انو ملوش حد مامتو ماتت وسبتو لوحدوا فمكنش حد غيري يكون موجود معاه ... بقيت بزورا كل فترة والتانية من غير علم اي حد. .. بس للأسف جدتك عرفت لانها كانت بتراقبني ومش كدا وبس.. انا لقيت معها الرسايل الي كان كرم ببعتها ليا علشان يقابلني وهددتني بيها ، معرفتش اعمل ايه .. كرم وحالتوا الصعبة وجدتك وتهديداتها ... مكنش ينفع اسيب كرم كانت حالتو صعبة اوي وفعلا بقيت معاه وفضلت أزروا .. بعد كدا تفاجئت بباكي الي بواجهني بالرسائل وبتهمني اني بخانو مع كرم وياريت وقفت على كدا  وبس دا كان معاه صور ليا ولكرم مع بعض .. تقريبا جدتك كانت بتصور كل لقائاتي مع كرم الي كانت بتكون بحديقة المستشفى ... كنت انا وهو نقعد احيانا مع بعض لما كانت حالتو تسمح ... استغلت الصور وفهمت بباكي اني بقابلوا بأماكن عامة ودايمن على تواصل ... والله اعلم قلتوا ايه  خلتو يشك بيا كدا ،   حاولت اوضح لباباكي الحكاية واقلو سبب اني بقابلوا بس للأسف ما سمعنيش وحكم عليا اني بخونوا ... جدتك كانت قدرت تقنعوا باني بخونوا وخصوصا بعد الي عملو كرم
_ عمل ايه !؟
_ كتب كل حاجة بملكها بأسمي انا مكنتش اعرف والله اتفاجئت لما  قلي .. طبعا معرفتش ارد لاني مكنتش اعرف حاجة .. باباكي طلقني ورماني برة البيت .. ليث كان عمروا تقريبا خمس سنين .. كان واقف وبراقب وهو بعيط كان نفسي بوقتها اخدوا بحضني بس باباكي ما سمحليش حتى اقرب منو
بدأت منى بالبكاء الشديد حضنتها ألمى وبكت هي الأخرى .. ابتعدت منى عنها وتابعت :
_ لما رماني برة البيت رحت لكرم علشان افهم منو هو عمل كدا ليه ... ليه كتب كل حاجة بأسمي بس للأسف لما وصلت كان ميت ... أنا بيوم واحد فقدت كل الي بحبهم يا ألمى بيوم واحد حياتي ادمرت ... بعد موت كرم حاولت اوصل لباباكي علشان افهموا بس للأسف جدتك كانت دايمن بتمنعني لغاية معرفت انكوا سافرتوا وسبتو البلد انا وقتها متت انتهيت ... وبعد فترة قصيرة عرفت بحكاية أبوكي وانو مقدرش يتحمل خياتني وانتحر ومات ... انا عمري ما خنتو بالعكس انا حبيتو.... حبيت عشرتوا حبيت حياتو ... بس هو ظلمني ظلم نفسو لما ما سمعنيش ...
كانت منى تبكي على حالها وعلى ما حصل معها .. نظرت لألمى وجدتها تنظر للفراغ بشرود ودموعها تنزل بصمت
_ ألمى انتي كويسة
_ هي تيتة عملت كدا ليه هي لدرجادي بتكرهك
ابتسمت منى بألم وقالت:
_ عارفة .. انا كنت احيانا بحس انها مش طبيعية
نظرت لها ألمى باستغراب وقالت:
_ ازاي يعني
_ كانت بتحب تتحكم بكل حاجة ... كانت فارضة سيطرتها على كل حاجة حتى ابنها ... كان بسمع منها ما تحملتش ان ادخل حياة ابنها ويحبني حتى بعد ما خلفت كنت بحس انها بتغار مني وكانت بتحاول تبعدني عنكوا ... وللأسف هي قدرت تعمل كدا اتحكمت بحياتكوا ودمرتها وانا للأسف مقدرتش اعمل اي حاجة ... احيانا كنت بلوم نفسي اني خبيت الحكاية عن باباكي من البداية ... يمكن لو قلتلو الحقيقة مكنش حصل كدا ...مكنتش عارفة انها هتعمل كدا انا كنت بعمل عمل انساني بساعد حد مريض وهي للأسف استغلت الحكاية دي .. بقت تقنعوا اننا بنتقابل وطبيعي يشك وخصوصا انو كان عارف بعلاقتنا قبل وكان عارف انو انا بحبو لكرم بس والله العظيم انا نسيتو لكرم وحبيتو والي عملتو عمل انساني مش اكتر  ... حالتوا كانت صعبة اوي ومحدش معاه كان كل امنياتو اني افضل معاه لحد اخر يوم ليه مكنتش متخيلة اني هدفع الثمن كدا
_ طيب انتي عملتي ايه بعد موت كرم
تنهدت منى بقوة وقالت :
_ مبقاش ليا حد ابويا مات وسبني لوحدي ... فاستلمت كل املاك كرم وعشت حياتي اشتغل وادور عليكوا ولما لقتكوا مقدرتش اقرب ..
_ ليه ؟!؟
_ كنت خايفة وخصوصا من ليث ، كنت بفكر يا ترى ازاي بشفني يا ترى هيسمعني ويصدقني ولا هيظلمني وللأسف الي كنت خايف منو حصل ... جدتك قدرت تشبعوا بحاجات مش حقيقية عني لدرجة انو كرهني وبقى مش طايق يشفني
_ ومتجوزتيش ليه
ابتسمت بألم وقالت:
_ مقدرتش أبدأ من جديد كان كل همي انتو وبس انتو كنتو كل حياتي ... قضيت كل حياتي براقب من بعيد وبطمن عليكوا لغاية ما قابلت سلمى
_ وقابلتيها ازاي ؟؟
_ كان بينا شغل ومرة قابلتها ولما شفتني سألتني عن اسمي الظاهر انها شافت صورة ليا عند ليث وعرفتي على طول .. في البداية اتفاجئت انها عرفتني وخفت تكون عايزة تأزيني وانو فريدة هي الي بعتاها بعد كدة لما اتعرفت عليها اكتر حكتلي حكايتها مع ليث والي عملتو فريدة بيها ، متفاجئتش لما قلتلي .. فريدة تقريبا كررت الي عملتو بيا بسلمى بس سلمى قوية وكانت عاوزة ترجع تاخد حقها وهي الي شجعتني اني اظهر بحياتكوا من جديد ..ومن يومها وهي مبتسبنيش خالص ..بجد بنت هايلة ومفيش منها
ألمى بشرود :
_ انا مش قادرة اصدق انو تيتة تعمل كدة ... معقول يطلع منها كل دا
_ عارفة انو الحكاية صعبة عليكي بس صدقيني هي دي الحقيقة يا بنتي