🍁انتقام الروح 🍁 بقلمي الشيماء

انتقام الروح 🍁 بقلمي الشيماء 🍁 الأخير (٣٠)

اسفة لو اتأخرت بس الفصل دا تعبني اوي .. تقريبا جمعت فيه كل الابطال وكل اتنين ليهم مشهد تقريبآ .. انا مفروض انزل الفصل المغرب بس الي حصا معي دمرني ... بعد ما خلصت الفصل الي بقالي ٣ ايام بفكر وبكتب فيه ... عملت تحديد الكل ونسخ وضغطت على حاجة بالغلط مش عارفة ايه هي وكل حاجة كتبتها راحت 😭😭😭😭😭 انحذف كل حاجة انتو متخيلين ... للأمانة انا تعبت وعصبت وقلت مش كاتبة تاني بس انا وعدت ناس انا انزل النهاردة فعدت من اول وجديد بس غير الأول الي بقالي ٣ ايام بكتب بيه
ان شاء الله الفصل يعجبكوا وسامحومي على التأخير
(الجزء الأخير ❤️❤️)

توقفت السيارة امام فندق كبير .. نزل مازن من السيارة ثم اتجه ليفتح لها الباب ، نظر لها فوجدها صامتة وشاردة ..فقال بصوتآ عالي ليوقظها من شرودها :
_ انزلي
نظرت له باستياء ثم نزلت معه ليتجهوا لداخل ..
امام الجناح الذى حجز لهم كانت تقف بصمت ، فتح مازن الباب ثم نظر لها وقال:
_ ايه هتفضلي واقفة عندك كتير
دخلت دون ان تتحدث معه ... نظرت حولها فوجدت ان الجناح يتكون من غرفة نوم ومرحاض وصالة كبيرة .. على الفور تحركت باتجاه الغرفة ولكنها توقفت عندما سمعت صوته
_ استني
تأفتت بضجر واستدارت له وقالت:
_ خير عاوز ايه
تنهد مازن بقوة وقال:
_ انتي مش ملاحظة ان اسلوبك معاية محتاج يتغير انا دلوقتي بقيت جوزك يعني لازم يكون في احترام ما بينا
ضحكت بصوت عال ثم قالت:
_ ههههههه جوزي ولازم احترمك ههههه تصدق انا مضحكتش بقالي فترة ههههه وانت ضحكتني فشكرا ليك بجد شكرا
اقترب منها مازن بغضب وامسك معصمها وضغط عليه بقوة وقال:
_ كفاية بقا ان سكت كتير لكن تقللي من احترامي انا مش هسكت
نزعت يديها بقوة ونظرت له بغضب وقالت:
_ هتعمل ايه يعني .. ولا حاجة مش هتقدر تعمل حاجة عارف ليه لانك جبان يا مازن الي يعمل الي عملتوا بكون جبان ... يا ريت تنسى حكاية جوزي دي علشان كلها شهرين وتطلقني وكل واحد من طريق ... انا مش مجبورة اعيش مع واحد زيك ميعرفش يعني ايه رجولة
اقترب منها وامسكها من يديها وضغط بقوة وقال وعينيه تشع غضبآ :
_ انا راجل غصبن عنك وعن اي حد ...وان كنت سكت من البداية فدا علشان رعيت حالتك لكن تغلطي بيا يا ياسمين لأ وألف لأ سامعة
صرخت بوجهه بقوة رغم الالم الذى تشعر به من ضغطه على يديها :
_ لأ مش سامعة يا مازن ... ولازم تعرف انك ولا حاجة وانا بكرهك وعمري ما هسامحك انت دمرتني وبسببك اتحول اليوم الي بتحلم بيه كل بنت لكابوس .. بسببك انا كرهت حياتي وكل حاجة

صرخ بأعلى صوت بقهر من حديثها الجارح واتهامها وقال:
_ أنا ما عملتش ليكي حاجة ولا قربت منك
نظرت له بصدمة وقالت بتعلثم وقالت:
_ ااااننت بتتقووول ايه
تركها ثم مسح وجهه بارهاق وجلس على احدى المقاعد القريبة منه وقال بألم :
_ انا حبيتك اوي يا ياسمين ومستحيل أفكر بحياتي اني أأذيكي بيوم من الايام ... انتي زي ما انتي ومحدش قرب منك
_ يعني ايه انت ضحكت عليا .. بس ازاي انا لما صحيت كنت ..
نظر لها بقهر وقال:
_ الحكاية مش صعبة على فكرة ... انا هقلك ازاي