ချစ်ခြင်းမုန်းခြင်းကင်းမဲ့ဇုန် (Completed)

ချစ်ခြင်းမုန်းခြင်းကင်းမဲ့ဇုန်_14

Part-14

ဆေးရုံကအပြန် မိထွေးနဲ့အတူလိုအပ်တဲ့ပစ္စည်းတစ်ချို့ယူမယ်ဆိုပြီး အိမ်ပြန်လိုက်လာခဲ့တယ် ဒါပေမယ့် ဆရာ၀န်ပြောလိုက်တဲ့ပါးရောဂါအကြောင်းတောင် နှစ်ယောက်စကားမဆက်မိကြ။
တော်သေးသည်က ရောဂါကအလွန်အကျူးတော့မဟုတ်ပေမဲ့ ခွဲစိတ်ရမယ် ပြီးတော့ လုံလုံလောက်လောက်အနားယူရမယ်ဆိုတာလောက်နဲ့ပြီးသွားဝာာကိုဘဲကျေးဇူးတင်မိရသည်။
ကို့ဘာသာမိထွေးကိုမုန်းရတဲ့ကြားထဲ ဆေးရုံကိုအမောတကောရောက်လာတဲ့သူ့ကိုရော ရှောင်ကျန့်ကိုရော မကျေနပ်ကြည့်နဲ့ကြည့်နေသောမိထွေးကြောင့် ရိပေါ်ကပိုဒေါသထွက်နေမိတယ်။
ရှောင်ကျန့်ကလဲ မိထွေးရဲ့အကြည့်တွေကိုသဘောပေါက်စွာပင် ညတွင်းချင်းပင်အိမ်ပြန်သွားသည် ဒီမနက်မှပြန်လာခဲ့မယ် တဲ့။
မိထွေးရှေ့မှာ သိမ်ငယ်သွားရသောရှောင်ကျန့်အဖြစ်ကိုသူမမြင်ချင် သူ့ချစ်သူကို ဒီလိုလက်လွတ်စပယ်ဆက်ဆံတာမျိုးကိုသူမကြိုက်။
အိမ်ပေါ်ရောက်တော့မိထွေးကအစားအသောက်သွားထုတ်နေခိုက် ရိပေါ်ကလဲပါးအတွက်လိုအပ်တာယူဖို့ ပါးအခန်းထဲ၀င်လာလိုက်သည်။

ပြီးတော့စဉ်းစားရင်းမှမနေ့ကသူတို့နှစ်ယောက်ကိုကြည့်တဲ့အကြည့်ကိုရော ပါးရောဂါဒီအခြေအနေရောက်လာသည်အထိ ဂရုမစိုက်ဘဲပစ်ထားခဲ့သောမိထွေးကိုပိုဒေါသထွက်လာကာ မီးဖိုချောင်ထဲလိုက်၀င်လာခဲ့သည်။
"နေပါဦး ခင်ဗျားကပါးကျန်းမာရေးဒီအခြေအနေရောက်တဲ့ထိဘာလို့ပစ်ထားခဲ့ရတာလဲ ပါးသေရင်အမွေပစ္စည်းတွေခင်ဗျားရမှာမို့လို့မလား"
"ရိပေါ် မင်းဘာစကားပြောတာလဲ"
"ကြားတဲ့အတိုင်းဘဲလေ ပါးကခင်ဗျားနဲ့အတူရှ်ိနေခဲ့တာလေ ရောဂါကဒီလိုခွဲစိတ်ရမယ့်အခြေအနေမရောက်ခင် ခင်ဗျားသိရမယ်လေ ကျနော့်ကိုပြောရမယ်လေ"
"မင်းကိုပြောရအောင် ဒီတစ်နှစ်အတွင်း မင်းအိမ်ကိုတခေါက်ပြန်လာလို့လား"
"မနေ့ကကျ ကျနော့်ဖုန်းကိုခင်ဗျားဆက်တတ်တယ်မလား အဲ့လိုဘဲဆက်လေ ပြီးတော့မနေ့ညက ကျနော်ကိုရော ရှောင်ကျန့်ကိုရောကြည့်တဲ့အကြည့်ကရော ဘာလဲ ခင်ဗျားကမနေ့ညမှပြောတော့ ကျနော်တို့လဲ မနေ့ညမှစသိရတာပေါ့ အဲ့တာခင်ဗျားကဘာကိုမကျေမနပ်လာဖြစ်နေတာလဲ"
ရိပေါ်က ပါးကိုစိတ်ပူနေတဲ့စိတ်ရော မိထွေးကိုမုန်းတဲ့စိတ်ရောကြောင့် သည်းမခံနိုင်စွာအော်ပြော‌မိလေသည်။