مدللتى المكافحة

الفصل الرابع.. هروب..

#مدللتى_المكافحة..
#الفصل_الرابع..
طرقات سريعه على باب غرفتها جعلتها تمسح دموعها بسرعه و هى تأذن للطارق بالدخول..

دلفت يارا بهيجان إلى غرفة نور و هى تصرخ
:بنى ادم متخلف.. مستفز.. معندوش دم.. م.. م..

لم تجد كلمات تسعفها لتجلس باحباط على السرير و هى تتنهد..

نور
:مالك بس.. اى اللى حصل؟!..

يارا
:المتخلف اللى بتنيل بحبه..

نظرت لها نور و هى ترفع حاجبها بمعنى "ها قولنا اى قبل كدا!"

يارا
:اقصد المحترم.. المؤدب حسن.. ارتاحتى كدا.. ؟!

ابتسمت لها نور..

يارا
:ماهو يستاهل بصراحه.. بستفزه كل يوم عشان يتحرك و يقول كلمه.. لكن ازاى.. ؟! هيفضل اهبل كدا طول عمره..

انهت جملتها بحزن و هى تضع يدها تحت خدها

ربتت نور على ظهرها بابتسامه..
:متزعليش يا قلبى.. و الله هو بيحبك.. انتى مابتشوفيش نظراته عامله ازاى.. ؟!.. اهدى انتى بس و اصبرى.. و هييجى اليوم اللى يقولك فيه على اللى فى قلبه..

احتضنها يارا و الدموع تلمع فى عينيها
:بس انا بحبه اوى يا نور.. و خايفه لا يكون مش بيحبنى.. خايفه يفوت الأوان و يفضل جبان و خايف يتكلم..

زادت نور من احتضانها
:متخافيش يا روحى.. و الله كل حاجه هتكون كويسه.. و اكيد التأخير دا خير ليكوا.. عشان خاطرى متزعليش نفسك..

خرجت يارا من احضانها و هى تومئ ببعض الاقتناع
:فعلا.. اكيد خير.. ربنا يخليكى ليا يا نور..

ابتسمت نور بحزن و سخرية بداخلها.. فلو درت يارا انه بعد اليوم لن تكون بحياتهم.. و ستخرج مثلما دخلت.. ستمنعها بكل ما أوتيت من قوة..

خرجت يارا من الغرفه.. تاركة نور تفكر بما سيحدث.. فهى ستخرج من هنا الليلة بلا شك.. و لكن.. إلى أين ستذهب.. اذا ذهبت إلى منزلها بالتأكيد سيعرفون مكانها و يعيدوها.. اذا.. إلى أين ستذهب..؟!

^^^^^^^^^^^^^^^^^^^
فى تمام الساعة التاسعه مساء.. بدأت نور فى تحضير ثيابها..لتغادر فى تمام الرابعه صباحا.. قبل أن يفيق احد من نومه..

علت الطرقات على باب غرفتها..

لتجيب بتلقائيه
:اتفضل..

دلف مالك إلى الغرفه.. ليلاحظ حقيبة ثيابها..
:اى الشنطه دى يا نور؟! انتى رايحه فين. ؟!

ظهر الارتباك على وجهها بينما كانت توليه ظهرها.. فقد نست تماما امر تلك الحقيبه..
:انا.. انا.. اه كنت برتب هدومى بس و بشوف منها اللى مش محتاجاه و كدا..

تجاوز مالك تلك النبره المرتبكة و اوما لها قبل أن يقول
:ليه انهارده اتغديتى و اتعشيتى فى اوضتك و مانزلتيش تحت..؟! معقوله تعبانة للدرجادى.. ؟! يارا قالتلى انها اتحايلت عليكى كتير و انتى ماسمعتيش الكلام.. لو كنت هنا كنت زمانى خدتك اكشف عليكى