مدللتى المكافحة

الفصل السادس عشر.. ما قبل الأخير..

#مدللتى_المكافحة..
#الفصل_السادس_عشر..
ماقبل الاخير..

صارت تركض و هو يركض خلفها فى أنحاء الغرفة و تعال ضحكتهم.. حتى نام الاثنان على السرير بتعب و لهاث ليقول ادم باستغراب..
:هو انتى كنتى جاية ليه اصلا..؟!

نادية بتعب..
:انت لسه فاكر..؟! دانا كنت نسيت اصلا..

ضحك ادم عليها لتكمل حديثها بتذكر..
:اه.. كنت جاية اقولك انى موافقة على محمود..

جلس ادم مكانه بسرعة ليقول..
:بجد.. ؟! و لسه جاية تفتكرى..؟!

شوحت نادية بيديها..
:يا عم مانت اللى لهيتنى بقصة حبك المأساوية..

ضربها ادم مجددا..
:يا بت اتلمى بقا.. المهم.. اى اللى خلاكى توافقى.. ؟!

نادية بارتياح..
:بصراحه.. انا صليت استخارة.. و كمان فكرت كتير فى الموضوع حسيت براحة غريبة تجاهه.. و حاسه اننا هنكمل بعض..

ادم بحزن..
:يعنى هتبعدى عنى بعد السنين دى كلها.. ؟!

احتضنته نادية بحب أخوى كبير..
:انا مستحيل ابعد عنك ابدا.. لأنك كنت ابويا و امى و صاحبى و حبيبي و كل ماليا قبل ما تكون اخويا..

شدد ادم من احتضانها بحب..
:هتفضلى انتى بنتى و حبيبتى الأولى مهما حصل فى حياتنا.. و عايزك لو اى اللى حصل افضل انا حضنك الدافي.. و لو الواد اللى هياخدك منى دا زعلك تجيلي على طول.. لان محدش يزعل جوهرتى ابدا..

ابتعدت عنه نادية بمرح..
:مين دا اللى يزعلنى ياخويا.. دانا هطهقه فى عيشته.. خليه يستنى بس..

ضحك ادم عليها..
:الواد باين عليه غلبان حرام عليكى.. هرن عليه افرحه معانا بقا..

نظرت له نادية بفرحه و انصات.. لينظر لها باستغراب..
:خير.. ؟! روحى اوضتك يا ماما.. دا كلام رجالة..

ضربته نادية بالوساده بحنق..
:وحيات امك.. اخلص ياض انت عشان الواد بينام بدرى..

نظر لها ادم بخوف مصطنع قبل أن يتصل بمحمود..

^^^^
عند محمود الذى كان يجلس فى غرفته.. يخشى ان ترفضه محبوبته.. فهو حتى الآن لا يدرى اذا ما كانت معجبة به هى الأخرى ام لا.. ظل يفكر و يفكر.. و انتبه قلق شديد.. حتى قطع تفكيره رنات هاتفه برقم آدم... لينظر له باستغراب و قلق قبل أن يرد..
:السلام عليكم..

آدم بهدوء..
:و عليكم السلام.. ازيك يا دكتور..؟!

محمود بترقب..
:الحمد لله بخير.. و حضرتك اخبارك اى..؟!

آدم بتسلية..
:انا كويس الحمد لله.. بس.. بس..

محمود بخوف..
:خير يا دكتور فى اى.. ؟! ارجوك لو نادية رفضتنى قوللى و ماتتعبنيش كدا..

ضحك آدم يشده بينما ضربته نادية بحنق..
:لا يا سيدى.. انا رنيت اقولك انها وافقت..

انتفض محمود من على السرير بعدم تصديق..
:انت بتتكلم جد...؟! نادية اللى هي نادية.. وافقت عليا انا... ؟!