مدللتى المكافحة

الفصل الثامن.. لقاء..

#مدللتى_المكافحة..
#الفصل_الثامن..
فى منزل الشناوى..
دلف مالك للمنزل.. ليرى والدته تجلس فى الصالون..
اقترب منها مقبلا جبينها بحنان

دلال و هى تربت على ظهره
:ربنا يخليك ليا يا حبيبي..

وقف مالك و هو يتنحنح قليلا..
:بقولك اى يا أمى.. ممكن تكلم نهلة تعرفيها انى هعدى عليها 7:30 كدا عشان تيجى معايا حفلة عمل..

رفعت دلال حاجبها باستنكار
:وماتكلمهاش انت ليه بقا..؟!

مالك بلا مبالاه و هو يتجه للأعلى
:معلش بقا يا ماما.. كلميها انتى..

تركها تطلع فى اثره بحزن..
:انا مش عارفة بس يابنى هتفضل حابس نفسك فى دوامة الذكريات دى لحد ايمته.. ؟! دانت مابتخرجش من اوضتها من يومها..

^^^^^^^^^^^^^^^^^^
فى حديقة المنزل..

حسن و هو يتطلع ليارا بحب
:يااه مش مصدق انك بقيتى معايا و ليا انا لوحدى لحد دلوقت..

يارا بابتسامه
:و هتصدق ايمته بقا.. ؟!

حسن بابتسامه عاشقه
:هتفضلى حلمى اللى كان نفسي اوصله من زمان.. معقوله طلعتي بتحبينى انتى كمان.. و اتخطبنا و كتبنا الكتاب وقتها فى ثانية كدا..

يارا بحب
:عقبال الفرح بقا بعد ما اخلص.. خلاص هانت..

حسن
:دانا مستنى السنة دى تخلص بفارغ الصبر.. انا استنيتك كتيير اووى..

ضحكت يارا و هى تتذكر ما كانت تقوله عن حسن قبل أن يعترف لها بحبه.. لتقول فى نفسها
:اه لو عرف انا كنت بهزأه قد اى.. مش بعيد يطلقنى قبل ما يتجوزنى..

حسن باستغراب
:اقدر افهم اى اللى بيضحك فى كلامى.. ؟!

هزت يارا راسها و هى تكتم ضحكاتها..
:لا.. دانا بس افتكرت اول مره اعترفتلى فيها بحبك..

ضحك حسن بشدة..
:كان نفسي اصورك ساعتها حقيقي كنتى هبلة اووى.. و الا لما قولت لابوكى انى عايز اتجوزك.. و يقولى..

وصار يقلد صوت عمه
:يابنى انتوا لسه صغيرين و عبط.. طب استنوا بس على ما تخلص.. و بعدين ابقوا اخطبوا..

ضحكت يارا بشده
:ياعم دانت كنت هتخطفنى لو ماكنتوش عملوا كتب الكتاب ساعتها..

اوما حسن بتقرير
:فعلا..

^^^^^^^^^^^^^^^^^^^
فى كلية التربية..
حيث صار محمود معيداً بها بعد تخرجه..

دخل محمود إلى المدرج بهدوء.. ليبحث عنها بعينيه قبل أن يتجه ليقف مكانه.. وجدها فى الصف الأول كعادتها.. بعيونها السوداء الساحره.. و ملامحها الطفولية..
تلك الفتاة التى عشقها منذ اول مره رآها.. و لكنه بالطبع يخاف الا تبادله نفس المشاعر.. ليفضل مراقبتها فى صمت.. محبوبته "نادية"..