مدللتى المكافحة

الفصل الخامس عشر.. تفكير..

#مدللتى_المكافحة..
#الفصل_الخامس_عشر..

طرقات على الباب.. جعلتها تستيقظ ببطء.. لتتذكر ما حدث فورا.. فاستغربت..من يمكن أن يكون الطارق.. تقدمت لتفتح الباب باستغراب و قلق.. لتطالع يديه التى أوشكت على الطرق مرة أخرى بحزن.. و استغراب..

بينما هو نظر إليها بحزن و ندم.. فوجنتيها المحمرتين و عيناها الحمراء و كذلك وجهها الباهت.. تدل على بكاءها و حزنها الشديد.. ليقول بأسف..
:انا آسف.. متزعليش منى..

نظرت اليه بجمود..
:افندم..؟! جاى ليه لواحده مش محترمة و ماشية على حل شعرها يا استاذ يا محترم..؟!

اقترب منها مالك بندم..
:انا اسف.. انا مش عارف قولت كدا ازاى..؟! بس.. بس الغيرة عمتنى.. و ما قدرتش اتحكم فى اعصابى..

نور بضعف..
:غيرة..؟!

مالك بعيون ملتمعه و حزن..
:ايوا غيرة.. غيرة يا نور.. عشان انا محبيتش غيرك فى حياتى..

نور بعتاب..
:عشان كدا خطبت غيري بسهولة..؟!

مالك بحزن..
:كانت رغبة ماما.. و كانت تعبانة اووى الفترة اللى فاتت.. و انا فهمت نهلة كل حاجه من البداية.. و هى كانت موافقة.. بس..

نور بسخرية..
:بس الهانم عجبتها الحكاية و بقت تغيظنى بالطريقة دى..

مالك..
:و هى اعتذرت على اللى حصل.. و قررت انها تبعد.. لأنها اتأكدت انى مستحيل اكون لغيرك.. بس انتى لعبتى لعبتك دى و قبلتى تتخطبى لغيري..

نور بعتاب..
:يمكن عشان اخليك تدوق من نفس الكأس و اخليك تقول الكلمة اللى كان نفسي اسمعها..

مالك بندم..
:انا اسف.. اسف على كل حاجه.. بس ارجوكى خليكى فى حياتى.. لانى مقدرش اعيش من غيرك.. و لا قدرت انساكى السنين دى كلها..

مسحت نور دموعها ببطء.. لتقول بضعف..
:و لا انا قدرت انساك.. انت الوحيد اللى شوفت حنيتك.. و انت الوحيد اللى اهتميت بيا.. حتى لو مقولتهاش.. انا كنت حاسه بحبك دايما..

^^^^^^^^^^^^^^^^^^^^^
وصل ادم إلى إحدى الحارات الشعبية.. ليترجل من سيارته.. ممسكا بيد همس لاسنادها.. صاعدين إلى إحدى الشقق فى تلك العمارة القديمة نسبيا..

فتحت له امرأة فى العقد الخامس من عمرها.. ذو ملامح بشوشة.. و لكنها صدمت من وجع ابنتها البادى على وجهها... لتقول بلهفة و خضة..
:همس ..؟!مالك يا ضنايا..؟!

تركت همس يده لتتجه إلى والدتها و تستند عليها لتدخل برفق..
:ماتقلقيش يا ماما اتخبطت فى رجلى خبطة بسيطة بس..

نظرت راوية "والدة همس" إلى ذاك الواقف مكانه بتعجب قبل أن تقول همس بهدوء..
:دا دكتور ادم يا ماما.. خبطنى غصب عنه و ودانى المستشفى و معايا من ساعتها..

راوية بابتسامه..
:اتفضل يابنى.. و الله كتر خيرك لو حد تانى كان يا اما سابها و مشى او رمالها قرشين.. اتفضل اتفضل..