مدللتى المكافحة

الفصل الثالث عشر.. تطورات

#مدللتى_المكافحة..
#الفصل_الثالث_عشر..

تسللت تلك الكلمات إلى مسامعه لتظهر الصدمه على محياه قبل أن يبتسم قليلا.. يمكن بفرحه..

نور بحزن..
:ماكنش ينفع ارجع كدا.. كإن مفيش حاجه حصلت.. خصوصا.. أن حتى الشخص الوحيد اللى حسيت معاه بالأمان فى يوم من الايام.. خطب بكل سهولة و عاش حياته.. حتى لو ماقالهاش.. كنت بحسها فى عنيه.. فى تصرفاته.. فى كلامه.. كل حاجه كانت بتأكدلى.. انه.. انه بيحبنى.. بس فى الاخر اكتشفت انى ولا حاجه فى حياته..

اغمض مالك عيونه بألم و ندم.. قبل أن تكمل كلامها..

:عارف.. ؟! انا متأكده انه مابيحبش نهلة.. بس هو اللى ادالها الفرصه انها تدخل حياتنا.. و تتصرف على مزاجها.. و مفيش حاجه اسمها غصب عنى.. انا عارفه انى غلطت لما بعدت زمان.. بس هو ماكنش لازم من اول فرصة.. يختار انه يكمل حياته عادى.. و لو ماكنتش رجعت كان كمل.. و اتجوزها..

فى هذه اللحظه.. كاد ان يدخل.. و يخبرها انها الوحيده من ملكت قلبه.. حتى و ان خطب تلك النهلة.. فكان هذا لمرض أمه ليس إلا.. كما أنه اتفق معها منذ البداية.. انه لن يكون ابدا الزوج الذى تتمناه.. و هى وافقت فى البداية..

و لكن.. يجب أن ينهى العديد من الأشياء.. قبل العتاب..

اتجه إلى الصالون مرة أخرى بثقة.. هذه المرة.. لينظر له الجميع باستغراب.. اولهم والده..

بعد قليل.. خرجت نور و خلفها ادم..

محمد..
:ها يا ولاد.. قررتوا اى.. ؟!

نظر ادم لنور قليلا.. قبل أن يقول بابتسامه..
:هنعمل خطوبة مؤقتا يا عمى.. و ربنا يسهل.. على ما اهل نور يرجعوا..

اغمضت نور عيونها بألم.. و لكنها سرعان ما رسمت ابتسامه على محياها.. بينما ظهر التوتر على الجميع..

ليقول محمد بتوتر..
:ايوا.. ايوا.. على بركة الله.. يبقى الخطوبة الخميس الجاى..

نهضت نادية بمرح بعدما كانت تتحدث مع يارا.. لتتجه إلى نور و تحتضنها.. ثم قالت بهمس..
:وحشتينى اووى..

زادت نور من احتضنها بحنين..
:و انتى كمان وحشتيني اوي اوي..

ابتعدت عنها نادية بابتسامه.. مرحه..
:و اخيرا بقا هجوزه و ارتاح من همه..

ضربها ادم على قفاها بخفه..
:ليه ياختى كنتى بتصرفى عليا.. ؟!

نفضت نادية غبار وهمى عن كتفيها..
:اماال.. ؟!

نظر ادم للجميع بابتسامه..
:معلش يا جماعه هنروح نكمل فى بيتنا عشان احتمال يكون فى جريمة قتل انهارده..

قالها و هو ينظر لناديه بحنق..

ضحك الجميع ليقول اسماعيل..
:و الله يا بنى اختك دى دمها زى العسل.. نورتونا و الله..