مدللتى المكافحة

الفصل الحادى عشر.. مفاجأة..

#مدللتى_المكافحة..
#الفصل_الحادى_عشر..
خرج ادم لمالك و منار بملامح غير مفسرة.. ليتجه له مالك بلهفة..
:نور.. كويسة.. ؟!

اوما ادم لهم بهدوء..
:ايوا.. صحيت.. بس..

مالك بخوف و قلق بعد سكوت ادم للحظات..
:بس اى.. ؟! اى اللى حصل.. ؟!

ادم بارتباك..
:بتهيألى تدخلوا و تعرفوا انتوا بنفسكوا..

لم ينتظر مالك و دلف بسرعة إلى الغرفة و خلفه منار.. التى اتجهت لنور لتضمها بحنان و دموع..
:نور يا حبيبتى انتى كويسة.. ؟!

ابعدتها نور باستغراب..
:حضرتك تعرفينى.. ؟!

ابتعدت منار بصدمه و هى تنظر لها.. ثم وجهت نظرها للطبيب بتساؤل.. قبل أن تقول نور بلهفة..
:مالك.. ؟! انت هنا.. ؟! ارجوك يا مالك.. قوللى ماما و بابا فين.. و ازاى مايكونوش معايا و انا فى المستشفى..؟!

نظر لها مالك باستغراب و ارتباك.. قبل أن ينظر لادم هو الاخر.. بتساؤل..
ليتجه ادم لنور بابتسامه..
:انسه نور.. انا عايزك ترتاحى دلوقت.. و كل حاجه هتبقى تمام.. اتفقنا..

اومات له نور بابتسامه متوترة..

قبل أن يخرج و خلفه كلا من مالك و منار.. و سرعان ما صاح مالك..
:افهم اى من اللى حصل دا.. ؟!

نظر ادم لهم قليلا..
:للأسف نور حصل لها فقدان ذاكرة جزئى.. و لما سألتها اى اخر حاجه فاكراها.. بتقوللى انها كانت يوم جمعه و أهلها راحوا حفلة تكريم لوالدها..

مالك.. بضياع..
:دى الحفلة اللى أهلها ماتوا فيها من تلت سنين..

ادم بجديه..
:يبقى هو دا السبب.. هى طول الفترة دى مش قادرة تستقبل الصدمة دى.. و دايما بتحاول تكَذِب الحقيقة دى.. عشان كدا فى اول فرصة جت ليها عقلها محى كل حاجه وحشه حصلت لها..

منار بحزن..
:يعنى هى كدا مش هتفتكرنى.. ؟!

ادم بأسف..
:للأسف يا مدام منار.. هى مش هتفتكر اى حاجه حصلت فى التالت سنين دول.. او بمعنى أصح من بعد خروج أهلها من البيت.. و دا بإرادتها.. يعنى فى اى وقت ممكن ترجعلها الذاكرة.. لو هى عايزة دا..

زفر مالك بضعف..
:طب و المفروض نعمل اى دلوقت.. ؟! هنعرفها ازاى ان أهلها ماتوا.. ؟!

ادم بسرعة..
:مستحيل..

مالك باستغراب..
:هو اى اللى مستحيل.. ؟!

ادم بجدية..
:مستحيل حد يقولها ان أهلها ماتوا.. لأنها كدا ممكن يجيلها انتكاسة.. و وقتها مش ضامنين رد فعلها ابدا.. ممكن مثلا تقولوا انهم مسافرين او اى حاجه.. لحد الوقت المناسب..

مرر مالك يديه على خصلات شعره الفحميه بارهاق..
:انا مش عارف اى اللى بيحصل دا.. ؟!

^^^^^^^^^^^^^^^^^^^^^^^^
بعد مرور يومين....