مدللتى المكافحة

الفصل العاشر.. أمل..

#مدللتى_المكافحة..
#الفصل_العاشر..

فى فيلا الشناوى..
كان الجميع مجتمع على مائدة الإفطار.. كلٍ فى ملكوته.. ليقطعهم صوت رنات جرس الباب..
اتجهت ألفت إلى الباب لتفتحه.. و لم تمضى ثوانى حتى أتت مجددا إلى مالك..
:فى واحده برا عايزة تشوفك يا مالك بيه.. بتقول ان اسمها منار تقريبا..

مالك باستغراب..
:منار.. ؟! و عايزة اى.. ؟! ربنا يستر..

و مالبث ان اتجه إليها ليسالها باستغراب.. حينما لمح الدموع المتجمعه فى عينيها..
:خير يا مدام منار..؟! نور.. نور فيها حاجه.. ؟!

قال جملته بقلق و ترقب..

لترد منار بقلق..
:نور سابتنى امبارح لما خرجنا من الحفلة.. و لحد دلوقت معرفش عنها حاجه.. و فونها مقفول.. قولت يمكن جاتلك..

مالك بصدمة و خوف..
:طب مفيش اى حد ممكن تروحله.. او اى مكان.. ؟!

منار..
:نور عمرها معمتلها.. و هى وعدتنى انها مش هتاخر و هترجع.. و هى اصلا ما تعرفش حد تروحله..

مالك بقلق..
:احنا لازم نبلغ الشرطة...تعالى يلا..

أتى والده من خلفه.. ليساله باستغراب..
:يلا فين يا مالك.. ؟! و مين دى.. ؟!

مالك بارتباك..
:دى.. دى..

:انا هعرفهم كل حاجه يا مالك بس انتوا رايحين فين دلوقت..؟!
قالتها والدته التى جاءت مع باقى العائلة...

مالك بقلق..
:نور اختفت من بعد الحفلة و فونها مقفول يا ماما.. هنروح نبلغ دلوقت و ندور عليها..

خرج مالك برفقة منار من المنزل..
بينما أخبرت دلال الجميع بما حدث.. ليكون اول من أفاق من صدمته هو محمود..
:يعنى نور كانت موجوده فى اسكندرية طول الفترة دى..؟!

اومات دلال بهدوء..

اسماعيل بقلق..
:طب يا ترى هى فين دلوقت..؟! لازم ندور عليها احنا كمان..

كاد حسن و محمود و محمد ان يوافقوه ليخرجوا.. و لكن منعتهم دلال..
:لا.. محدش هيخرج.. هنستنى لما مالك يكلمنا الأول..

^^^^^^^^^^^^^^^^^^^^^^^^

قدم مالك البلاغ.. و بالطبع لن يتم اى إجراء قبل مرور ٢٤ ساعة.. لذا اتجه مالك مع منار لجميع محلاتهم و المصنع.. و كل الأماكن التى من المحتمل ان تذهب إليها.. و لكن بلا فائده.. ليقترح مالك ان يذهبوا إلى مكان الحفلة و يتتبعوا اثرها..
و بالفعل اتجهوا إلى هناك.. ليسالوا العديد من الناس الموجودين.. و لكن لم يعرفها احد..

ليجلس الاثنان على إحدى الكرسى الموجودة على الكورنيش..
مالك..بارهاق..
:يا ترى انتى فين يا نور..؟!

صارت منار تبكى بخوف..
:انا مش هقدر اعيش من غيرها بعد ما اتعودت عليها ابدا.. انتى وعدتينى ترجعى يا نور.. وعدتينى..