مدللتى المكافحة

الفصل الرابع عشر.. بدايات جديدة..

#مدللتى_المكافحة..
#الفصل_الرابع_عشر..

عند نور و ادم..
نور بتذمر..
:يعنى حتى المرة الوحيده اللى ابقى عايزة احوّر فيها .. يكشفنى ابن دلال..؟!

حاول ادم كتم ضحكاته..
:لما انتى بتحبيه اووى كدا.. ليه ماتتعاتبوش..؟!

نظرت له نور بجديه..
:هعاتبه.. بس مش دلوقت..

ادم باستغراب..
:اى دا.. اى اللى جابهم هنا دول..؟!

نظرت نور إلى تلك النقطه التى ينظر لها ادم.. لتجد مالك و نهلة متقدمين نحوهم..

مالك بتساؤل ..
:انتوا بتعملوا اى هنا..؟!

نور بارتباك..
:كنت.. كنت عايزة اكلم دكتور ادم تانى.. لأننا ماتكلمناش كتير امبارح..

اوما ادم بهدوء..

لينظر لهم مالك باستنكار.. و صوت عالى.. بينما اعمته غيرته..
:و ما استأذنتيش ليه يا انسه يا محترمة..؟! و الا احنا مش ماليين عينك..؟!و عايزة تمشى على حل شعرك..؟!

التمعت عينا نور بالدموع..
:انا اسفه.. انا.. انا..

ركضت تاركةً اياهم خلفها ينظران لها بحزن..

ادم بعصبية..
:انت ازاى تكلمها بالطريقة دى..؟!

مالك بعصبية هو الاخر..
:انا ابن خالها.. انت مين..؟،

هز ادم راسه بقلة حيله قبل أن يتركه و يذهب..

نهلة بعتاب..
:ماكنش لازم تكلمها كدا يا مالك..

مرر مالك يديه فى خصلاته.. قبل أن يغادر هو الاخر بعصبية..

^^^^^^^^^^^^^^^^^^^^
قاد آدم سيارته بسرعه.. بينما يحاول مهاتفة نور..ليصيح بنفاذ صبر..
:ردى بقا...

لم يكد يرفع عيونه للنظر أمامه حتى وجد تلك الفتاة أمامه من حيث لا يعلم.. ليضغط على الفرامل بقوة...

^^^^^^^^^^^^^^^^^^^^
جلست نهلة على ذاك الكرسي فى الكافية مرة أخرى بحزن.. فهى لا تدرى اذا ما كانت منتصرة.. ام خاسرة فى كل ما حدث.. افاقت من شرودها على صوت أحدهم..
:تسمحيلي اقعد...؟!

رفعت نظرها.. بتقابل عيناه العسلية.. بزرقاوتيها.. باستغراب..
:أفندم.. ؟!

جلس ذاك الشاب على الكرسي المقابل لها بمرح..
:شكرا.. انا كريم.. و انتى.. ؟!

نظرت له باستغراب اكبر..
:أفندم... ؟!

قرب كريم وجهه منها..
:أفندم... ؟!

نهلة بنفاذ صبر..
:انت مجنون اكيد..! عن اذنك..

و كادت ان تقف و لكنه وقف أمامها فورا ليمنعها من الخروج..
:لو سمحتى استنى لحظة.. عشان خاطرى اقعدى و هفهمك..

نظرت له باستغراب.. تحاول قراءة عينيه.. و لم تجد مفر من الأمثال لأمره.. لتجلس مجددا على كرسيها بنفاذ صبر..