مدللتى المكافحة

الفصل الخامس.. استسلام..

#مدللتى_المكافحة..
#الفصل_الخامس..
سند حسن بارهاق على مقدمة السياره..
:مش كفايه كدا انهارده.. احنا بقينا المغرب و مالهاش أثر لحد دلوقت..

مالك بتصميم
:مستحيل.. اروح البيت من غيرها.. انا قلقان عليها اووى.. لأنها ساذجة و ماتعرفش الناس..

محمود
:بس احنا لفينا عليها شوارع اسكندرية كلها.. هندور فين تانى بس..

مالك
:روحوا انتوا..

محمود
:لا يا مالك مش هنسيبك.. و بعدين انت ماكلتش حاجه من الصبح.. ماينفعش اللى بتعمله فى نفسك دا..

مالك و قد غشت عينيه الدموع..
:عايزنى اكل ازاى و انا مش عارف هى عامله اى دلوقت.. او هتنام فين او هتاكل ازاى..

ربت حسن على ظهره برفق
:صدقنى هترجع.. و هنلاقيها.. انا واثق من كدا..

نظر له مالك بأمل قليلا..
و بعد محاولات عاد معهم إلى المنزل..

^^^^^^^^^^^^^^^^^^^^^^^
محسن بقلق
:و الله دا مايرضى ربنا.. حرام عليه اللى بيعمله فى بنات الناس دا..

كارم
:بقولك اى.. مالناش دعوه.. احنا منعرفش حاجه.. و بعدين هى اللى جت برجليها.. محدش ضربها على ايدها..

محسن
:و هو كل واحده عايزة تشتغل يتعمل فيها كدا.. و كل مرة بنسكت عشان خايفين من قطع ارزاقنا..

كارم بسخريه
:او عشان طمعانين فى القرشين الزياده اللى بناخدهم كل مره.. او كمان عشان الشيكات اللى ماضيينها فى اول يوم شغل

محسن
:مش عارف.. انا قلقان.. و حاسس ان المرادى مش هتعدى على خير..

كارم
:فكك يا عم.. زيها زى اللى قبلها..

هز محسن راسه بقلة حيلة و هو ينظر لتلك الفتاة.. و التى لم تكن سوى نور التى لم تنهى عملها بعد..

تناوب الجميع على الخروج من المطعم.. و آخرهم محسن الذى نظر إليها مطولا قبل الخروج.. فهى يبدو عليها الطيبه.. كما انها لازالت صغيره.. و لكن ما باليد حيلة.. فإذا أخبر أحدا بما يحدث.. ستتدمر حياته بتلك الشيكات التى كانت من ضمن شروط العمل مسبقا..

^^^^^^^^^^^^^^^^^^^^
عاد الثلاث شباب إلى المنزل.. ليتجه مالك إلى غرفته بصمت.. و قد تهدلت كتفاه.. و اصيب باحباط بالغ..

لمحته والدته.. لتندم أشد ندم على ما قالته و فعلته.. فلولا كلامها لما خرجت نور من المنزل.. و لما حدث كل هذا..

فهى تعرف تعلق مالك الشديد بها منذ كانت صغيرة تأتى إليهم فى الإجازات.. و تتنقل بينهم بهالة البراءه المحيطه بها..

بعد قليل.. جلس الجميع على طاولة الطعام.. بلا اى نفس.. و صمت محيط بالمكان.. و اولهم مالك الذى أصر عليه حسن النزول..