رحلة إلى امبراطورية تشو

Coming back يابشر

انا رجعت اكتب القصة تاني ، انا قرأتها مرتين تقريباً وفكرت ف كل شخصية والصراحة حاسة اني ماكنتش مدية للرواية حقها من الأول وماكنتش موضحة حاجات كتير وكنت هعمل تعديل من الأول بس انا كسولة ، بعد كدة هحاول ادي اكبر قدر من التفاصيل والأحداث وافكر بشكل كامل ف كل مشهد بكتبه ، بس قبل مااكمل حابة اعرفكوا على كل شخصية عشان فيه سوء فهم ف الشخصيات لأني ماوضحتش وكنت سايبة كل حاجة فهوضح لأني كنت لخبطت الشخصيات والأحداث أحيانا وانا ماكنتش واخدة بالي ، انا كنت موقفة فترة عشان طاقتي كانت خلصانة وكان دة مأثر على كتابتي ودخلت ف اكتئاب وامتحانات وليلة فل يعني فخوفت استمر ف تأثري دة ، والصراحة ماكنتش فاهمة كل شخصية وكان تهور مني اني اكتب بشكل عشوائي
نبدأ
الامبراطور : تشو تشيو
50 سنة
الإمبراطور شخصيتي المفضلة التانية بالمناسبة ..
ببساطة الإمبراطور كان بيحب لي جينغ ، لي جينغ كانت بنت جنرال تابع للامبراطور السابق والامبراطور السابق خلى تشيو يتجوز من دونج مي عشان هي كانت بنت رئيس الوزراء وقتها ، وخلفت منه سو آن وبنت كمان بس انا ماذكرتهاش لسة هتيجي مع الاحداث ، بعد مالامبراطور السابق مات وبقا تشيو الامبراطور اتجوز لي جينغ وخلاها الإمبراطورة واتأخر حملها شوية ، أعتقد ان كلكوا عارفين انهم طبيعي بياخدوا محظيات وكدة وشوف الحظ .. الإمبراطورة والمحظية حملوا ف نفس الوقت ، لي جينغ خلفت جينغ شين والمحظية خلفت وانج وي بعد كام يوم وماتت ، جينغ لي خدت سو آن وبقت مسؤولة عن تربيته مع جينغ شين عشان كدة علاقتهم قريبة من بعض بعكس علاقتهم مع سو آن  
جينغ شين :
جينغ شين 26 سنة ، انضم للجيش من وهو 15 سنة بسبب الإمبراطورة التانية اللي هي دونج مي ، انا وضحت انه كان بيرجع للعاصمة أيام ويرجع للجيش تاني وماكانش بيقعد ف قصره كتير عشان كدة تعامله مع البنات يكاد يذكر ، غير بنت عمه وبنت دونج مي وبنتين هيظهروا بعدين والموكوسة ندى فمافيش حد اتعامل معاهم غيرهم 😂
جينغ شين اكتر شخصية مفضلة عندي .. بصوا هو مش بيتكلم كتير ، سيبكوا من كل اللي كتبته ، جينغ شين شخصية هادية وشديد وما بيتكلمش كتير بس ف نفس الوقت ذكي و بيعرف يتصرف بسرعة ، هو حنين فشخ حقيقي وهتشوفوا دة منه ، هو بيلبس البرود مع كله وييجي عند ندى ويتقلبوا قط وفار
سو آن :
سو آن مش عازب بالمناسبة وعنده محظيتين بس ماجابش منهم اطفال .. انا كنت هوضح دة ف الأحداث بس قولت اقول دلوقتي أسهل 😂 سو آن طموح وكويس والله ياجدعان مش شرير هو مابيحبش تحكم امه فيه أصلا ، عنده 29سنةة وشخصيته هادية وباردة برضو بس بيحب يتعامل بوساخة مع كله ماشاء الله عليه
وانج وي :
عارفين مدرس الأدب ؟ اللي بيكون هادي ومالوش ف البطاطا وبياخد مشهد المتفرج ، اهو هو دة
ندى :
23 سنة ، خريجة تربية صيني ، وأعتقد اني ذكرت نبذة عن حياتها ف مصر ف الأحداث ، حياتها مش بيرفكت وزي الزفت عادشي ، بس ف نفس الوقت ذكية وغبية ازاي مااعرفش بس افهموها 😂 هبلة .. عنيدة .. بتفهم الناس من نظرة ..
...
انا حابة اعرف انتوا فاهمين الشخصيات ازاي ومتخيلين شكلهم عامل ازاي عشان انا ماشرحتش شكلهم قبل كدة فقولولي
واه انا هنزل الشابتر الجديد من بكرة ..