رحلة إلى امبراطورية تشو

جائنا البيان التالي ..

حبيت اقولكوا ان البارت اللي فات كانت أحداثه هتكون غريبة شوية .. ماكانش المفروض سو آن يظهر بس انا مااعرفش غيرت كل حاجة وانا بكتب ليه وفكرت ان اقولكوا كان هيحصل ايه
المفروض ان بعد ما ندى ترجع اوضتها كانت هتتعرض فعلاً لهجوم ، بس جينغ شين كان رايح لها وهيسمع صوت فهينقذها ، وكان هيحصل حبة تعقيدات كدة بس انا ماحبيتش اضيفها لأن ندى كانت هتتخطف فعلاً ، مش عارفة ليه فجأة لغيتها ..
حتى حتة كيرين ف ان يخلي جينغ شين يستخدم ندى ماكانتش هتتحط بس اتحطت فجأة ، يعني البارت اللي فات دة كان بارت غير متوقع ..

بالنسبة للبارتات الجاية ، ف .. احم ، آسفة لأني بقول دة بس انا شغفي مات والرواية هتخلص بسرعة
بعد التفكير في الأمر فانا من الأول ماخدتش الرواية بجدية ، هدفي من الرواية انها تكون رواية خفيفة تخلي الشخص ينسى كل أحزانه أو تفكيره ويركز ف مواقف غريبة خفيفة تضحكه
فشيلت كل المؤامرات اللي كان لازم تحصل وهنط على آخر مؤامرة
لو حبيتوا تعرفوا اللي كان ف دماغي فانا هحطه كله ف الرواية الجديدة واللي بيحب الحرق وعايزني احرق ييجي يكلمني عادشي 😂💕
بس بجد شغفي بيموت للرواية كذا مرة ومش عاوزاها تكون رواية معقدة أو فيها حزن ، ماكانش هدفي ان يكون فيها حزن ولا مؤامرات جديدة تظهر من الأول ، والرواية الجديدة هيكون مناسب فيها التعقيد والحزن فهضيفهم فيها بشكل احسن من الرواية دي
الرواية الجديدة هتاخد حوالي شهر وممكن اكتر عما اجهزها لأن هتكون بجانبين وكل جانب هينزل ف رواية لوحده وهشرح بعدين اما اجي انزلها .. سو استمتعوا جداً لآخر لحظة في الرواية الخفيفة دي وقولولي ارائكوا عنها اما تخلص .. دمتم بخير 💕