رحلة إلى امبراطورية تشو

لوكلوك كتير بس مهم ..

مساء الخير
حابة اتكلم حبتين كدة وحقكوا تطنشوا الصراحة مهم مين وبتاع مين ..

المهم 😂

اولا شكراً لكل شخص دعم الرواية بڤوت وكملها للنهاية رغم الثغرات اللي موجودة ف الأحداث 💕
شكرا بجد انتوا مش عارفين انا ببقا فرحانة قد ايه وانا سبب ان حد حب حاجة أو حتى ابتسم بسبب حاجة قلبي بيرفرف كدة 💕

ثانياً ، انا من بداية الرواية وانا ماكانش هدفي رواية بقا من الروايات اللي بتكون جامدة ف أحداثها ومليانة حزن على ضحك على الحوارات دي خالص ، انا كنت آه الصراحة فكرت فيها وكنت بدأت احول أحداث الرواية بس رجعت ف كلامي زي ماانتوا شايفين وسبتها كرواية خفيفة لطيفة ظريفة تخلص ف يوم مافيش فيها لا عياط ولا أي حاجة "الا حتة تلاشيها دي عشان انا نفسي مااعرفش جت معايا ازاي ، كانت غير متوقعة بالمرة " 😂

الرواية هدفها زي ماقولت انها رواية خفيفة تخلص بسرعة وف نفس الوقت تثيب أثر إيجابي على القارئ ، مش من ناحية بقا نفسية وفلسفة لأ بس انها ضحك بس ..

ثالثاً ، توضيحاً بقا لحتة تلاشيها اللي جت فجأة دي 🚶
انا كان ف دماغي ان بعد الفرح كان كيرين هيدي حاجة لندى تخليها كأنها لسة مسمومة ويقول لجينغ شين انه لازم ياخدها معاه لمدينة هان عشان يعالجها هناك وجينغ شين هيوافق ، وبعد ما كيرين ياخدها للمكان بتاعه هيقولها انه يقدر يمحي وجودها من العالم هنا كأنها ماكانتش موجودة وماحدش هيفتكرها لأن وجودها م الأول كان خاطئ بس هي هترفض عشان مش حابة انها تكون الوحيدة اللي فاكرة حياتها هنا وانها عندها أمل انها ممكن ترجع ، فمش حابة اما ترجع تكون لا شئ خصوصاً لجينغ شين يعني ، بس برضو انا لغيتها

بالله انا مااعرف انا بفكر ف كل دة والغيه ليه مش فاهمة اومال بتعب نافوخي ليه يخربيت قراراتي🙄

المهم نكمل معلش الفكرة عشان انا زعلانة أوي انها اتغيرت فجأة 😂
بعد ما الحاج كيرين يرجعها لمصر بعد شهر تقريباً جينغ شين هيحب انه يشوفها وهيفضل يسأل عليها ، بس كيرين هيكون على اتصال بندى وهيقترح عليها انه يقول لجينغ شين انها ماتت مثلا قالتله طب والجثة قالها هقوله اني دفنتك🙂
بعد تلت شهور هيقول لجينغ شين كدة فعلا ومش هيصدقه هأ أ أو 😂😂

فكيرين هياخده مكان القبر وبرضو مش هيصدق ، ماخلاص يانجم قولنا لك ماتت اخلص
وبعدين يعني جينغ شين هيكتشف مكان كيرين وازاي ماتسألنيش عشان مافكرتش ف الكيفية بس اكيد كنت هخلي الواد جين لين المفتش كرومبو بتاعنا يحقق ويوصل لمكانه وجينغ شين هيروح ويقوله "شهقة ملوخية ، ايه دااااااااااه ، انت مين "
فكيرين يقوله :" بياع الميلامين "
آسف ...

بعدين يعني كيرين يحكيله ونفس ذات الحاجة جينغ شين يروح لندى مصر ويتجوزها والواد عبده حناكة يروح يعيش ف مصر مع وانج وي وكنت هبعت بنت المبقعة الإمبراطورة وبنت المبقعة التانية لي هوا والامبراطور معاهم خليه يتبسط.  وألف ألف مبروك

..
أحب اقول تاني ان الرواية هزلية قصيرة خفيفة لا صلة لها بالواقع وبدون أي هدف 😂
لأ هو ليها صلة بالواقع الصراحة ، فاكرين الحتة اللي ندى شكرت فيها جينغ شين على اهتمامه بيها ؟ وحكتله وقتها ان حتى لو بصقت دم ماحدش هيهتم ؟ دي حصلت بجد ف الواقع 🌚 سربرايز ..
وفيه حبة مواقف عابرة كدة حصلت ف الواقع اولريدي فحطيتها ف الرواية وماعلينا يعني يخربيت البؤس 😂

..
شكراً تاني انكوا اهتميتوا بالرواية رغم نزولها المتأخر وكل حاجة خدوا قلبي 😔💕💕💕💕💕💕
....

كان معكم محدثكم ايلين سيف الدين من أمام إحدى.. بيوتش الدشعارة "صورة البارت

..