Bitter Love Story (Completed)

Part(5)

Unicode

စိတ်ညစ်လွန်းတာကြောင့် တစ်ယောက်ထဲသွားသောက်မိတယ်။ ကျန်းချန်ကိုမခေါ်ခဲ့မိတာ မှားတာပဲအခုတော့ ပိုအထီးကျန်နေသယောင်

"တစ်ယောက်ထဲလား ဒီနေ့အတွက်အဖော်လုပ်ပေးရမလားဟင် "

လည်ပင်းကိုလာရောက်ဖက်တွယ်လာတဲ့ သွယ်လျတဲ့လက်နှစ်ဖက်နဲ့အတူ sexy ကျတယ်လို့ ပြောရလောက်အောင် တိုနံ့နံ့၀တ်ထားတဲ့ မိန်းကလေး..

"မလိုဘူး "

သူမကအပြုံးမပျက် ဝမ်ရိပေါ်ရဲ့ဘေးမှာ၀င်ထိုင်လိုက်တယ်။

"ကိုကိုက အရမ်းချောတယ်.. တို့နာမည်ကိုမှတ်ထားနော်။ နာမည်က roseတဲ့ "

roseက ရိပေါ်ကိုအရက်ခွက်တစ်ခွက်ငှဲ့ပေးလိုက်တယ်။ တန်ဆာဆင်ထားတဲ့ လက်သည်းနီအ‌ရောင်တောက်တောက်တွေက သူ့ကိုပိုပြီးစိတ်ညစ်ညူးစေတယ်။ရိပေါ်က ဘာမှမပြောပဲအရက်ခွက်ကိုမော့ချလိုက်တယ်။ လည်ချောင်းထဲခါးသက်စွာ စီးဆင်းသွားတဲ့အရည်တွေ ဒါပေမယ့်သူ့နှလုံးသားက ခါးသက်မှု့ကိုတော့မမှီသေးဘူး။

 တစ်ခွက် ..နှစ်ခွက် ..သုံးခွက်.......

roseက သူ့ကိုပြုံးပြီးကြည့်နေတယ်။ သူမကိုတွန်းဖယ်လိုက်ပြီးရိပေါ်က ဒယိမ်းဒယိုင်နဲ့ သန့်စင်ခန်းထဲ၀င်သွားတယ်။ လက်ဆေးနေရင်း သူ့တစ်ကိုယ်လုံးပုရွက်ဆိတ်တက်လို တရွရွနဲ့ပူလောင်လာတယ်။

"ကျစ် ! ဘာလဲကွာ "

မျက်နှာတွေကိုပါ ရေအေးအေးနဲ့သစ်လိုက်ပြီး အပြင်ထွက်လာတော့ roseက နံရံကိုမှီပြီးစောင့်နေတယ်။

"ဘယ်လိုလဲ လိုအပ်နေပြီမလား "

နားရွက်နား မထိတထိပြောတဲ့အပြောတွေ ။

"ဖယ်စမ်း "

အားနဲ့တွန်းပစ်လိုက်တော့ ထိုင်ရက်လဲကျသွားတယ်။ အပြင်ကိုအမြန်ထွက်လာခဲ့တယ်။ အပြင်မှာစောင့်နေမယ့် သူ့ရဲ့ဒရိုင်ဘာကိုဖုန်းဆက် ခေါ်တဲ့တစ်လျောက်လုံး သူ့လက်တွေတုန်ရီနေတယ်။ ခန္ဓာကိုယ်တစ်ခုလုံးက ပူထူနေပြီး တစ်ခုခုကိုလိုချင်နေတယ် ။အပြင်မှာဆိုအမှားလုပ်မိနိုင်တာကြောင့် အိမ်အမြန်ပြန်ပြီး bathtub ထဲ ရေ၀င်စိမ်နေမှဖြစ်မယ် ။ သူဆေးခပ်ခံရ‌တာသေချာတယ် .. ဒီမိန်းမ .....