Bitter Love Story (Completed)

Part(9)

Unicode

၀မ်ရိပေါ်က ရှောင်းကျန့်ကိုခေါ်ပြီး ချုံချင်းထိသွားခဲ့တယ်။ ရှောင်းကျန့်ရဲ့ပါးနဲ့မားရှေ့ဒူးထောက်လို့ ရှောင်းကျန့်ကိုလက်ထပ်ခွင့်ရဖို့တောင်းဆိုခဲ့တယ်။‌ရှောင်းပါးပါးကအံ့ဩလွန်းလို့စကားတောင်မပြောနိုင် ၊
မားမားကရှောင်းကျန့်ကိုမေးတယ်

"အားကျန့် တကယ်ပဲသူနဲ့လက်ထပ်ချင်တာလား။ လူပြောခံရမှာတွေ သားသိတယ်မလား
မားမားကိုဖြေပါဦး "

"ဟုတ်..သားလက်ထပ်ချင်တယ်မား "

"သားမိုက် ...လိမ္မာလှပြီလို့ထင်နေတာ
မှားတာပဲ"

ရှောင်းကျန့်က တကယ်ပဲငိုချင်လာတယ်။ ခုတလောသူမျက်ရည်ကျဖို့ သိပ်လွယ်နေတာပဲ။

"ကျွန်တော်သူ့ကိုချစ်တယ် ခွင့်ပြုပေးပါ"

၀မ်ရိပေါ်က ဒူးထောက်နေရင်းဆိုတယ်။

"ထွက်သွားကြ ...နှစ်ယောက်စလုံး
ငါ့အိမ်ထဲကထွက်သွား"

၀မ်ရိပေါ်က တစ်နေ့လုံး တညလုံးအိမ်ရှေ့မှာ ခေါင်းမာစွာနဲ့ ဒူးထောက်နေတယ်။ လုံး၀လဲကျသွားတဲ့အထိ့ပဲ ။ နောက်ဆုံး ရှောင်းကျန့်ရဲ့မိဘတွေက သဘောတူလိုက်ရတော့တယ်။ဝမ်ရိပေါ်က ဝမ်ရိပေါ်ပါပဲ ။ သူဖြစ်ချင်တာကိုရအောင်လုပ်တယ်။ ထူးဆန်းတာက ၀မ်ရိပေါ်က မျက်ရည်ကျနေခဲ့တယ်။ ရှောင်းမားရဲ့လက်ကိုကိုင်ပြီး ကျေးဇူးတယ်ပါတယ်လို့ အကြိမ်ကြိမ်ရေရွတ်နေခဲ့တယ်။

သူလက်မ‌လျော့ပဲကြိုးစားနေတဲ့ပုံစံက ရှောင်းကျန့်ကိုတစ်ကယ်ပဲ နှစ်နှစ်ကာကာချစ်နေတာလိုမျိုး ...

ရှောင်းကျန့်က ပျော့ညံ့မိသွားတဲ့ ကိုယ့်ကိုယ်ကိုပြန်ဆုံးမတယ်။ သူဟန်‌ဆောင်နေတာ ။ ဟုတ်တယ်။ ၀မ်ရိပေါ်က ဟန်ဆောင်ကောင်းတယ်။ မယုံလိုက်နဲ့ ..သူက အရမ်းကြောက်ဖို့ကောင်းတဲ့လူမျိုး ..သူ့အားနည်းချက်ကိုအနိုင်ယူခဲ့တဲ့လူ...

သူ၀မ်ရိပေါ်ကိုအရမ်းမုန်းလိုက်တာ ....

******************************

နောက်ဆုံးတော့ မနေချင်တဲ့ အိမ်ကြီးကို ရှောင်းကျန့်က ပြန်ရောက်ခဲ့ရပြီ။ လက်မထပ်ချင်တဲ့သူကိုလက်ထပ်ခဲ့ရပြီ။ သူတို့အကြောင်းကို လူတွေကအတင်းပြောကြတာများ မကြားချင်မှအဆုံးပဲ။ ၀မ်ရိပေါ်က ဘယ်လိုဖြေရှင်းလိုက်တယ်မသိဘူး။နောက်ပိုင်းဘာသံမှ မကြားရတော့ဘူး။