Bitter Love Story (Completed)

Part(2)

Unicode

"Daddy ကလက်မခံရင်အမှန်တိုင်း
ဖွင့်ပြောလိုက်တော့မယ် ကိုကို "

"ရှင်းလီ အားလုံးမင်းရဲ့ သဘောပါ
ကိုယ်မကောင်းခဲ့တာပါ ..မင်းစိတ်ချမ်းသာမယ်ဆိုရင်
ကိုယ်ဘာဖြစ်ဖြစ်လုပ်ပေးပါ့မယ် "

ရှောင်းကျန့်က ရှင်းလီရဲ့ခေါင်းလေးကို နူးနူးညံ့ညံ့ ပုပ်ပေးရင်းပြောတယ်။

"ကိုကို ခုန Daddy ကို ရှိန်နေတာမလား"

"အင်း မင်းရဲ့ Daddyက ကိုယ်တို့နဲ့ အသက်သိပ်မကွာသလိုပဲနော် ငယ်ငယ်ရွယ်ရွယ်နဲ့အိမ်ထောင်ကျခဲ့ကြတာထင်တယ်"

"မဟုတ်ဘူးကိုကိုရဲ့ လက်လဲထပ်တော့မှာဆိုတော့ အိမ်တွင်းရေးတွေသိလို့လဲဖြစ်ပါတယ်
Daddyက ရှင်းရဲ့ အဖေအရင်းမဟုတ်ဘူးကိုကို "

"ဟင် ဘယ်လို ..."

"ဟုတ်တယ် ရှင်းအသက်၇နှစ်မှာ မိဘမဲ့ဂေဟာကမွေးစားခဲ့တာ။ Daddyဘ၀က သနားဖို့ကောင်းတယ်။ မိဘတွေက ကွာရှင်းလိုက်ကြပြီး အိမ်ထောင်ကိုယ်စီနဲ့ Daddyကိုထားပစ်ခဲ့ကြတာ။ အမွေပုံပေးခဲ့ပေမယ့် မေတ္တာမှမပေးခဲ့တာ။ ရှင်းကိုတော့အရမ်းချစ်တယ်။ တစ်ခါတလေတော့လဲ Daddyကို အလုပ်ပဲလုပ်မနေစေချင်တော့ဘူး။ အိမ်ထောင်ပြုစေချင်ပြီ ဒါပေမယ့်Daddyကခေါင်းမာတယ်။ သူချစ်တဲ့သူကိုပဲ ယူမှာတဲ့။ ခုထိ့ သူချစ်တဲ့သူကမတွေ့သေးဘူးထင်တယ် "

"အော် "

သူ့ကိုစတွေ့တဲ့အချိန်မှာ ပြောင်းလဲသွားတဲ့မျက်၀န်းရဲ့အရိပ်တွေကို ရှောင်းကျန့်ကပြန်အမှတ်ရသွားတယ်။ ဒီမျက်၀န်းတွေက ဒီလူဟာအရမ်းကိုအထီးကျန်နေပါတယ်လို့ ဖော်ကျူး‌ပြနေသလိုမျိုး ။ယောက်ကျားတန်မဲ့ ဖြူဥနေတဲ့ အသားအရည်နဲ့ မြင်လိုက်တာနဲ့အရှိန်အဝါတစ်ခုကိုခံစားမိ့စေတဲ့ ဒီလူမှာ ဒီလိုအတိတ်တွေရှိခဲ့တာပေါ့။

ရှင်းလီနဲ့ရှောင်းကျန့်က တက္ကသိုလ်မှာကတည်းက သူငယ်ချင်းတွေ ၊ ရှင်းလီဘက်ကအရမ်းအလေးပေးလွန်းတာရော သူငယ်ချင်းတွေဝိုင်းလှော်တာကြောင့်နဲ့ ရည်းစားစကားတောင်မပြောလိုက်ရ ၊ ချစ်သူတွေဖြစ်ခဲ့တယ်။

"ဟဲ့ ရှောင်းကျန့်က‌ရည်းစားရှိတာလား
သူ့ကောင်မလေးက ဘယ်သူလဲ"