Bitter Love Story (Completed)

Part(20)

Unicode

"အလုပ်ရှင်ဘက်က ဖုန်းဆက်လာတယ်
ကောင်လေးကိုသတ်ပြီး ဒီမှာပဲထားခဲ့လိုက်တော့တဲ့ ။ကလေးကိုတော့ သွားပစ်လိုက်တဲ့
ငွေတွေလဲလွှဲပေးထားပြီ"

"ဘာ ..! "

စုန့်ရီက ရေချိုးနေတာကြောင့်ဖုန်းမကိုင်ဖြစ်လိုက်။ ခုတော့သူ့အလုပ်ရှင်က သတ်ခိုင်းနေပြီတဲ့လား။

"ဟားဟား ဆေးသုံးဖို့ အချီကြီးရတာပဲ ဒီတခါ..တနှစ်လောက်တော့ အေးဆေးမှိန်းနေလို့ရပြီ.."

အငယ်တစ်ယောက်ကပြောရင်း ဓားကိုထုတ်လိုက်တယ်။

"ငါပဲလုပ်လိုက်ရမလား..."

"နေဦး ..."

"ဘာလဲ စုန်ရီ၊ ငါတို့မှာအချိန်မရှိတော့ဘူး
ငါတို့အမြန်လက်စသတ်မှဖြစ်မယ် ...အားး သိပြီ မင်းကိုယ်တိုင်လုပ်ချင်လို့လား
ကောင်လေးက သိပ်ကိုသွေးဆာနေတာပဲ..."

ရှောင်းကျန့်နဲ့ကလေးကို ဖမ်းပိတ်ထားတဲ့အခန်းတံခါးကိုတစ်ယောက်က ခြေထောက်နဲ့ဆောင့်ကန်လိုက်တယ်။ အခန်းထဲ၃ယောက်လုံး၀င်လာတာကြောင့် ရှောင်းကျန့်က ထိန့်လန့်သွားပြီး အားယွမ်‌ကိုချီလိုက်တယ်။တစ်ယောက်က ဓားကိုကိုင်ထားပြီး တစ်ယောက်လက်ထဲမှာ ဘေ့‌စ်ဘောတုတ်လိုမျိုးကိုင်ထားတယ်။

"ခဗျားတို့...ဘာလုပ်ကြမလို့လဲ "

"ဟားဟား စိတ်မကောင်းပေမဲ့ မင်းသေရတော့မယ် ။ငါတို့ကိုအပြစ်မတင်နဲ့ ဒါမင်းရဲ့ကံတရားပဲ "

တစ်ယောက်က အားယွမ်ကိုသူ့စီက အတင်းဆွဲလုတယ်။ ကလေးက စူးစူးဝါးဝါးအော်ငိုပါတော့တယ်။ ရှောင်းကျန့်က ရသလောက်ပြန်ခုခံတယ် ...ဘာမှစားမ၀င်တာရော နေမကောင်းတာကြောင့်ပါ သူ့မှာ ပုံမှန်အချိန်လောက်ခွန်အားမရှိဘူးဖြစ်နေတယ်။ ကလေးက သူတို့လက်ထဲပါသွားခဲ့ပြီ...

"သား..ငါ့သားကိုပြန်ပေးကြပါ
ငါတောင်းပန်ပါတယ်...ငါ့ကလေးကိုဘာမှမလုပ်ပါနဲ့"

ရှောင်းကျန့်က အားကုန်သုံးလို့ ကလေးကိုပြန်လုတယ်။ တစ်ယောက်က သူ့ကို လည်ပင်းညစ်ပြီးအနောက်ကဖမ်းချုပ်ထားတယ်။အားပါပြီးတင်းကြပ်လွန်းတာကြောင့် သူက ခေါင်းလေးမော့လို့ ...တဖြေးဖြေး...အသက်ရှုလို့တောင်မရတော့။ သူ့ရဲ့နောက်လက်တစ်ဖက်မှာကိုင်ထားတဲ့ဓားကလဲ ရှောင်းကျန့်ရဲ့လည်တိုင်နားဝဲနေတယ်...