Bitter Love Story (Completed)

Part(10)

Unicode

ထမင်းစားနေတဲ့ရှောင်းကျန့်က ရိပေါ်ကိုမြင်တာနဲ့ ထသွားဖို့လုပ်တော့တယ်။

"စားလို့မပြီးသေးဘူးမလား ပြန်ထိုင် "

"ပြီးပြီ ကျွန်တော်၀သွားပြီ "

ရိပေါ်က ရှောင်းကျန့်ရှေ့က ကော်ဖီခွက်ကို သူ့ရှေ့တိုးပေးလိုက်ရင်း

"ကော်ဖီတောင် ဒီတိုင်းရှိသေးတယ် ကုန်အောင်သောက်သွား "

"မသောက်တော့ဘူး "

ခွမ်း ~~~

ရှောင်းကျန့်က ခွက်ကိုအသာပုပ်ထုတ်လိုက်‌ပေမဲ့ မတော်တဆ ကျကွဲသွားတယ်။

"ရှောင်းကျန့် မလှုပ်နဲ့ ရပ်နေ... ဟေ့ လာသိမ်းကြစမ်း"

ရိပေါ်က ရှောင်းကျန့်နားရောက်လာပြီး ပွေ့ချီလိုက်တယ်။

"ဘာလုပ်တာလဲ လွှတ်စမ်း လွှတ် .."

"မင်းကို ဖန်ကွဲရှမှာစိုးလို့ "

"အရေးမပါတာ ကျွန်တော်က ကလေးလား
ခုချပေး ၀မ်ရိပေါ်.... ချပေးလို့ "

ရှောင်းကျန့်က ရိပေါ်ကိုထုရိုက်လို့ တွန့်တွန့်လူး ရုန်းတယ်။ အလုပ်သမားတွေရှေ့မို့ ပိုရှက်ပြီး မျက်နှာလေးရဲတွပ်နေတယ်။

"ငြိမ်ငြိမ်နေ မဟုတ်ရင်
အားလုံးရှေ့မှာပဲဖက်နမ်းလိုက်မယ် "

ရုန်းနေတဲ့ကိုယ်လေးက ငြိမ်သွားတယ်။ အရှက်လွန်ပြီး မျက်ရည်တွေတောင်ဝဲနေတယ်။

၀မ်ရိပေါ်က သူ့ကို အရမ်းအနိုင်ကျင့်တယ်။ ဒီလူကြီးကို မုန်းတယ် မုန်းတယ်....

****************************

ရှောင်းကျန့်က ၀မ်ရိပေါ်စီမှာပဲအလုပ်ပြန်လုပ်ရတယ်။ အရင်လုပ်ခဲ့တဲ့ဌာနမှာမလုပ်ရတော့ဘူး။ ရိပေါ်ရဲ့ရုံးခန်းထဲမှာပဲ စားပွဲသက်သက်ထည့်ထားပေးတယ်။ ၀မ်ရိပေါ်ရဲ့အတွင်းရေးမှူးကျန်းချန်တောင်ရုံးခန်းအပြင်အခန်းမှာနေရတာ ။ ရုံးသွား ရုံးပြန်လဲ ၀မ်ရိပေါ်ကားနဲ့ပဲအတူပြန်ရတယ်။ တချိန်လုံး ဒီလူကြီးမျက်စိ‌အောက် နေနေရတာမို့ ရှောင်းကျန့်က တစက်မှ မပျော်ဘူး ။ စိတ်ကျဉ်းကျပ်တယ် ။