Bitter Love Story (Completed)

Part(16)

Unicode

သူတို့ရဲ့အိမ်ထောင်ရေးဟာ တဖြည်းဖြည်းနဲ့ အေးစက်လာခဲ့တယ်။ ၀မ်အိမ်တော်တစ်ခုလုံးလဲ ဘယ်သူမှစကားအပိုမပြောရဲကြဘူး တိတ်တိတ်ပဲနေကြတယ်။ တကယ်ဆို အလုပ်သမားတွေ အားလုံးကလဲ သူတို့ နှစ်ယောက် အဆင်ပြေတာပဲမြင်ချင်ကြတာပါ။ အရင်လို စကားများရန်ဖြစ်သံတောင် မရှိတော့ပဲ တစ်ယောက်နဲ့တစ်‌ယောက် အတတ်နိုင်ဆုံးရှောင်ပြီးနေကြတယ် ......

အရင်ကဆို ရှောင်းကျန့်က ရှောင်ဖယ်နေရင်တောင် ဝမ်ရိပေါ်ကအမြဲလိုက်ပြီး မခံချင်အောင်စတာမျိုး၊ အတင်းစကားပြောတာမျိုးတွေမရှိတော့။ ညအိပ်ခါနီးတိုင်း နဖူးပေါ်အနမ်းဖွဖွနဲ့ ...အရမ်းချစ်တယ်နော်... ဆိုတဲ့ အသံတိုးတိုးကိုလဲမကြားရတော့။ ၀မ်ရိပေါ်က ရှောင်းကျန့်ကိုလုံး၀လျစ်လျူရှု့ထားပြီး အိမ်ကိုမကပ်တော့တာဖြစ်တယ် ... တစ်ခါတလေ ယူစရာရှိမှ့ ခဏပြန်လာတယ် ...

‌ရှောင်းကျန့်ကလဲ ဒီအခြေအနေမျိုးမှာ ပျော်နေခဲ့တာတော့မဟုတ်ပါဘူး။ အိမ်ပြန်မလာတဲ့လူကြီးကို သူစိတ်ပူပါတယ်... ဘယ်လောက်မုန်းမုန်း အတူနေလာတာကြာပြီမို့ သံယောဇဉ်တော့ဖြစ်မိတာပဲလေ။ အလုပ်မှာလဲ ဝမ်ရိပေါ်က သူ့ကိုမမြင်သလိုပဲနေတယ် ။
သူတကယ်မနေတတ်တော့ဘူး ...စိတ်ထဲမှာလဲဘာကိုအလိုမကျမှန်းမသိ အလိုမကျတော့ဘူး...

ဒီလူကြီးကသူ့ကိုတကယ်ကြီး ပစ်ထားနိုင်ပြီလား.....

*********************

"‌မင်း အိမ်ပြန်မအိပ်တာ တလကျော်ပြီနော်
မင်းဒီလိုပဲဆက်နေသွားတော့မှာလား ရိပေါ်"

၀မ်ရိပေါ်က ကျန်းချန်အိမ်မှာသောင်တင်နေတာကြာပြီ။ အိမ်ပြန်လဲ ရှောင်းကျန့် သူ့ကိုမြင်ရင် စိတ်အနှောက်အယှက်ဖြစ်မှာစိုးတာကြောင့် မပြန်ဖြစ်ဘူး။

သူ့ကလေးလေးက သူ့ကိုမှမချစ်ပဲ။ သူမရှိတော့ အရမ်းကိုစိတ်ချမ်းသာနေလောက်မှာ ....

"ဘာလို့လဲ မင်းက ငါ့ကိုကျွေးမထားနိုင်တော့ဘူးလား"

"ငါအဲ့သဘောပြောတာ မဟုတ်ဘူးလေကွာ
လင်ရယ်မယားရယ် အဲ ..လင်ရယ်လင်ရယ်လို့ဖြစ်လာကြပြီပဲ၊ ပြသနာဆိုတာတော့ လူတိုင်းကြုံကြရတာပဲလေ အဲ့ဒါမင်းတို့နှစ်ဖက်ညှိရမှာပေါ့ "