Bitter Love Story (Completed)

Part(8)

Unicode

ရှောင်းကျန့်သတိပြန်ရလာတော့ ယွီပင်းက ၀မ်ရိပေါ်လာသွားတဲ့အကြောင်း ပြောပြတယ်။ ဆေးခပ်ခံရလို့မှားသွားမိတဲ့အကြောင်းတွေရောပေါ့ ။

ရှောင်းကျန့်က ၀မ်ရိပေါ်ကို စိတ်ဆိုးလားဆို မဆိုးဘူးလို့ပြောရင်လိမ်ရာကျမယ်။ ဒါပေမယ့်အကျိုးအကြောင်းသိရတော့လဲ သူဘာတတ်နိုင်မှာတဲ့လဲ ..သူကိုယ်တိုင်က အဲ့အခန်းကိုသွားခဲ့မိတာမလား ...ဘယ်သူကမှတမင်ရည်ရွယ်ခဲ့တာမှမဟုတ်တာ...

၀မ်ရိပေါ်က ရှောင်းကျန့်ကိုနေ့တိုင်းလာတွေ့တယ်။ သူအရမ်းရှက်တာ‌ကြောင့် အတွေ့မခံခဲ့ဘူး။ နောက်တော့ ဘာလို့လဲမသိ့
မရောက်လာတော့ဘူး။ သူလဲ ခုဆို သက်သာလာပြီ။ ဒဏ်ရာတွေလဲ အရှင်းပျောက်သွားပြီ။ ယွီပင်းလဲရှောင်းကျန့်ကြောင့်ခွင့်ယူထားရာက အလုပ်ပြန်သွားနေပြီ။ အလုပ်တစ်ခုခုတော့ပြန်ရှာရမှာပဲ ဒီတိုင်းထိုင်နေလို့တော့မဖြစ်ဘူးမလား...

အိမ်ထဲအောင်းနေတာလဲကြာပြီ။ ရာသီဥတုကလဲသာယာတာကြောင့် ညနေစောင်းလေးမှာ အားယွမ်လေးနဲ့ ရပ်ကွက်ထဲက ကစားကွင်းလေးထဲ လမ်းလျှောက်ထွက်ဖြစ်တယ်။ အားယွမ်လေးက ယိုင်တိယိုင်တိုင် လမ်းလျှောက်တတ်စဖြစ်နေပြီမို့ လက်ကိုတွဲရင်း ဖြည်းဖြည်းလျှောက်ကြတယ်...

"ပါးပါး... မုန့်မုန့် "

"အင်း ဟိုနားရောက်ရင် မုန့်မုန့်စားရမယ်နော်
နည်းနည်းဆက်လျှောက်ပါဦး အသေးလေးရဲ့ "

‌"ဟင် ..."

ဘယ်လိုမှကိုရှောင်လွဲလို့မရတော့တဲ့ အနေအထားမျိုး။

ရှေ့တည့်တည့်လာရပ်တဲ့ လူကြောင့် ရှောင်းကျန့် မျက်နှာပျက်သွားတယ်။

"ကလေးကိုခေါ်သွား "

၀မ်ရိပေါ်က ဘေးကလူကိုအမိန့်ပေးတယ်။ ရှောင်းကျန့်လက်ထဲက အားယွမ်လေးက ဆွဲလုခံရတယ်။

"ဘာလုပ်ကြတာလဲ အားယွမ်ကိုပြန်ပေး"

"မင်းကိုယ့်ကို ဘယ်လောက်ထိရှောင်နေဦးမှာလဲရှောင်းကျန့် "

"ကလေးပြန်ပေးလို့ပြောနေတယ် "

"စကားပြောမယ် လိုက်ခဲ့"