Bitter Love Story (Completed)

Part(13)

Unicode

 ဝမ်ရိပေါ်က ညင်သာပေးခဲ့ပေမဲ့ သူ့ရဲ့‌ရှောင်းကျန့်ကပဲနူးညံ့လွန်းတာလား သူကပဲကြမ်းလွန်းတာလားမသိ နောက်ရက်မှာ ရှောင်းကျန့်က တကိုယ်လုံးပူကျစ်လို့ဖျားပါတော့တယ်။ ရိပေါ်က အရမ်းစိုးရိမ်သွားပြီး ဆရာ၀န်ခေါ်လိုက်တယ်။ တအိမ်လုံးကအလုပ်သမား‌တွေလဲ အသံတောင်မထွက်ရဲလောက်အောင်ပဲ။ ၀မ်ရိပေါ်စိတ်မကြည်ရင်အော်အော်ဆူတတ်လို့ ...

ရှောင်းကျန့်ဖျားရင် အရမ်းဂျီကျတတ်မှန်း အခုမှသိရတော့တယ် ။ခွေးပေါက်လေးတွေလို တအီအီနဲ့ ဘာတွေဗလုံးဗထွေးပြောမှန်းမသိတဲ့ စကားတွေလဲပြောနေသေးတယ် လူလဲအရမ်းကပ်တယ်။ ရင်ခွင်ထဲ ခေါင်းတိုးပြီး ခွေနေတော့တာ ။ရှောင်းကျန့်က သူအမှတ်နဲ့ကပ်နေတာမဟုတ်မှန်းရိပေါ်သိတယ်။ နေကောင်းသွားရင် စိတ်ဆိုးတော့မယ်ဆိုတာလဲသိပါ့ ...

တစ်ယောက်ဖျားတာ နှစ်ယောက်လုံးအလုပ်မသွားနိုင်တဲ့အထိပဲ ။ အရေးကြီးလက်မှတ်ထိုးစရာတွေ ကျန်းချန်ကို လာပို့ခိုင်းပြီး အိမ်မှာပဲလုပ်ရတယ်

"ရှောင်းကျန့် ကလေးလေး ထ့ဦး
ဆေးသောက်ရမယ်"

"မသောက် ..မားမား...ခေါင်းကိုက်တယ်
နှိပ်ပေး ...ခေါင်းကြီးပေါက်ကွဲတော့မှာ
မားရေ .."

ရှောင်းကျန့်က မျက်လုံးတောင်မဖွင့်ဘူး။ ချွဲနေတာများ ချစ်စရာလေး....ဝမ်ရိပေါ်က ညော်စိန်လေးရဲ့ခေါင်းလေးကို လက်နဲ့ဖိနှိပ်ပေးနေလိုက်တယ်။ အသားတွေကပူကျစ်နေတာပဲ။

"နဖူးနားကောနှိပ်ပေး...."

"ဂုတ်ကော ဂုတ်ကော ...အင်း ဒီနား.."

"မားမားနှိပ်တာကောင်းတယ်..အင်းး .."

မားမားဆိုတော့လဲ မားမားလုပ်ရတာပေါ့။ ဘယ်တတ်နိုင်မလဲ နွားအိုမြက်နုကြိုက်မိတာကိုး ။ ခေါင်းကိုလက်နဲ့အသာကြွလို့ ဆေးခွံ့တိုက်လိုက်တယ်။

"ခါးတယ်မားမား ..."

"ရေသောက်ဦး မထွေးပစ်နဲ့နော် .."

"ဟုတ် ..."

ခဏနေ ဆန်ပြုတ်ဘယ်လို၀င်အောင်တိုက်ရပါ့ ။ ၀မ်ရိပေါ်က ခေါင်းတောင်မဖြီးနိုင်။ ကလေးလူကြီးလေးကိုပြုစုပြီး အချိန်ကုန်လို့ကုန်မှန်းတောင်မသိတော့ပေ။
နေမကောင်းတဲ့သူကို အခွင့်ကောင်းယူလို့ နှုတ်ခမ်းလေးတွေ ပါးလေးတွေကိုလဲ ညာတာပါတေးနဲ့ခိုးနမ်းရတာအခါခါ ...