Unicode
၀မ်ရိပေါ်က တနေကုန်အိပ်နေခဲ့တယ်။ နေ့လည်လောက်မှ သူနိုးလာတော့ တစ်ကိုယ်လုံးကိုက်ခဲနေတယ်။တဖြည်းဖြည်းခေါင်းထဲ၀င်လာတဲ့ အဖြစ်အပျက်တွေကြောင့် အလန့်တကြားထထိုင်တယ် ။
"ရှောင်းကျန့် ..."
ဘေးဘီကိုကြည့်မိတော့ အဖြူဆွတ်ဆွတ်အိပ်ရာခင်းမှာ သွေးကွက်တွေ။ပြီးတော့ရှောင်းကျန့်ရဲ့ ည၀တ်အကျီလေး ပြဲစုတ်လို့ တစ်ပိုင်းတစ်စစီတောင်ဖြစ်နေပြီ။ ခေါင်းကိုလက်တွေနဲ့ ဖိကိုင်ထားမိတယ်။
သွားပြီ။ သူအမှားကြီးလုပ်မိပြီ။ ရှောင်းကျန့်က ဘယ်လိုလုပ် ဒီအချိန်မှ့ သူ့အခန်းရှေ့ရောက်နေရတာလဲကွာ ။ သူ ကလေးလေးကို တော်တော်ကြမ်းကြမ်းတမ်းတမ်း မညှာမတာ ဆက်ဆံခဲ့မိတာ ။ သူ့ဘက်ကသာယာနေပေမယ့် ရှောင်းကျန့်က အရမ်းကိုအော်ပြီးငိုနေခဲ့တာ။
ဆေးအရှိန်ကြောင့်ရော သူပိုင်ဆိုင်ချင်တဲ့သူဖြစ်နေတာကြောင့်ရော ပေါင်းကာ ကောင်းသည် ဆိုးသည် မဝေခွဲနိုင်တော့ပဲ တစ်ကယ့်ကို မိုက်ရိုင်းခဲ့မိတာပဲ ။ အ၀တ်တွေ ဖြစ်သလိုအမြန်ဆွဲ၀တ်လိုက်ပြီး ရှောင်းကျန့် အခန်းကိုပြေးသွားတယ်။
"ဟေ့ လာကြစမ်း တစ်ယောက်မှမရှိကြဘူးလား။ ရှောင်းကျန့် ဘယ်မှာလဲ "
အခန်းထဲလဲမတွေ့တာကြောင့် အောက်ထပ်ကိုပြေးဆင်းရင်း အရူးတစ်ယောက်လိုအော်မိတယ်။
"ဟို အစ်ကိုလေးက မနက်စောစောက အိမ်ကထွက်သွားပါတယ် "
"ဘာပြောတယ် မင်းတို့မတားကြဘူးလား
အားယွမ်ကော "
"အားယွမ်လေးကိုလဲ ခေါ်သွားပါတယ် "
********************
တံခါးသံကြောင့် ကလေးကိုနို့ဘူးတိုက်နေရာမှ ပုခက်ထဲပြန်ထည့်ထားပြီး ပြေးဖွင့်ရပြန်တယ် ။တစ်ရက်အတွင်းယွီပင်းက အတော်အလုပ်ရှုပ်သွားတယ်။ ရှောင်းကျန့်ကို ဆရာ၀န်ပြရတယ်။ ဆေးလိမ်းပေးရတယ်။ဆေးတိုက်ရတယ်။ ကလေးကို ထိန်းရတယ်။ကလေးအတွက်လိုအပ်တဲ့ ပစ္စည်းတွေတောင်ဆရာ၀န်သူငယ်ချင်းကိုခဏစောင့်ခိုင်းထားပြီး အမြန်ပြေး၀ယ်ရတယ်။ ကလေးလဲတစ်ခါမှ့မထိန်းဖူးတာကြောင့် နို့ဘူးပဲတိုက်နေရတယ်။ ကလေးက ဂျီမကျပဲ ငြိမ်လို့တော်သေးတယ်။ ခုလဲ ဘယ်သူလာပြန်ပြီလဲ ။
BẠN ĐANG ĐỌC
Bitter Love Story (Completed)
FanfictionStart Date - 19.6.2021 End Date - 17.7.2021 #yizhan
