Bitter Love Story (Completed)

Part(17)

Unicode

"နောက်ကိုယ့်အိမ်ကို ၀င်ထွက်တာမျိုးဆင်ခြင်ပေးပါ"

တစ်ခါမှ စကားမာမာတောင်မပြောခဲ့ဖူးတဲ့ ၀မ်ကောကောက ကျောက်မိန်ကို ဒီလိုတွေတောင် ပေါ်တင်ပြောထွက်လာခဲ့တယ်။

မုန်းတယ် ...မုန်းတာမှ့ ဟိုးအတွင်းထဲထိ တူးခါးနေအောင်မုန်းတာ ...ရှောင်းကျန့်.... နင်ကငါ့ကိုဘာထင်လဲ ...ငါပိုင်တဲ့လူကို ငါပြန်ယူပြမယ် ...

နင်ကတော့ ခံစားကြည့်လိုက် ...

လူတစ်ယောက်ကို ပျက်စီးစေချင်ရင် သူ့ရဲ့အားနည်းချက်ကိုအရင်သိအောင်လုပ်ရတယ်တဲ့ ။ ကျောက်မိန်က ဦးနှောက်မဲ့တဲ့ ခပ်တုံးတုံးမိန်းမတစ်ယောက် မဟုတ်တဲ့အတွက် ဒီအချက်ကို ကောင်းကောင်း နားလည်တယ်။

"ပြော... ဦးလေးရှိုး သူတို့နှစ်ယောက်က
ချစ်လို့လက်ထပ်ထားတာ မဟုတ်ဘူးမလား "

ဦးလေးရှိုးက ၀မ်အိမ်တော်ရဲ့ ကားဒရိုင်ဘာဦးလေးဖြစ်တယ် ။ ဆင်းရဲပေမဲ့ ရိုးသားတယ်။ ဒါပေမဲ့သူက ကျောက်အိမ်တော်ရဲ့လူ၊ ကျောက်မိန် မိဘတွေရဲ့အလုပ်သမားဟောင်း...၀မ်ရိပေါ် ဒရိုင်ဘာလိုနေတုန်းက ကျောက်မိန်ရဲ့ပါးပါးကိုယ်တိုင် ၀မ်အိမ်တော်မှာ အလုပ်လုပ်ဖို့ ပို့ပေးလိုက်တာ။

ကျောက်အိမ်တော်ရဲ့ကျေးဇူးကြွေးတွေအများကြီးရှိတာကြောင့် ကျောက်မိန်ကိုသူ မလွန်ဆန်ရဲပေ..

"ပြောလေ ...ဘာလဲ ၀မ်အိမ်တော်မှာနေတာကြာပြီဆိုတော့ ..ကျေးဇူးရှင်ကိုမေ့ပြီပေါ့ ၊ ဘ၀မေ့နေပြီ‌‌ပေါ့ ဟုတ်လား"

"မဟုတ်ပါဘူး သခင်မလေးရယ်
ဦးလေးသိသ‌လောက် ပြောပြပါ့မယ်"

ဦးလေးရှိုးပြောသမျှနားထောင်ပြီးတဲ့နောက်မှာတော့ ကျောက်မိန်ရဲ့အပြုံးတွေက ပိုကြောက်စရာကောင်းလာတယ်။

"သိပြီ လိုအပ်ရင်ထပ်ခေါ်လိုက်မှာမို့
ဆက်ဆက်လာဖို့မမေ့နဲ့ ..သွားတော့ ..."

"ဟုတ် ..ဟုတ်ကဲ့ပါ "

ဒီတော့ ဒီအိမ်ထောင်ရေးမှာ ဟိုကလေးက အခရာပေါ့ ....

ရှောင်းကျန့် ....ငါနင့်အားနည်းချက်ကိုသိပြီထင်တယ် ...နင့်အတွက် ပျော်စရာနေ့တွေ သိပ်မကျန်လောက်တော့ဘူး....