Bitter Love Story (Completed)

Part(15)

Unicode

"ကပ်ပါးမ့ "...

ရှောင်းကျန့် က ကျောက်မိန်ကျဲကို အဲ့လိုစိတ်ထဲက တိတ်တိတ်နာမည်ပေးထားတယ်။ တစ်ချိန်လုံး ၀မ်ရိပေါ်အနား တောက်တဲ့လိုကပ်တွယ်နေလို့။ သူ့ကို ရိုင်းစိုင်းစွာ စွပ်စွဲပြောဆိုပြီးကတည်းက အဲ့ကျဲကို ရှောင်းကျန့်က အမြင်မကြည်တော့။ လေးစားလို့မရတဲ့စာရင်းထဲ ၀မ်ရိပေါ်ကြီးပြီးရင် သူက နံပါတ် ၂ ။

မမြင်ချင်ပါဘူးဆိုမှ သူ့အနားကို တည့်တည့်လာထိုင်တော့တာပဲ။ အိမ်ကိုပါစိတ်ကြိုက်၀င်ထွက်နေတော့တာ...

အရင် ရှင်းလီရှိကတည်းက အိမ်ကို၀င်ထွက်နေတာသိပေမဲ့ ကိုယ်နဲ့မဆိုင်တာကြောင့် သတိမထားမိ၊ အလုပ်မှာလဲ ကိုယ်က Design ဌာနမှာဆိုတော့ဆုံစရာအကြောင်းမရှိ။ ခုတော့၀မ်ရိပေါ်က သူ့ရုံးခန်းထဲရှောင်းကျန့်ကို စားပွဲတစ်လုံးနဲ့ ထည့်ထားတာမို့ ကျောက်မိန်ရဲ့ အမြင်မကြည်မှု့နဲ့ အာရုံအားလုံးက ရှောင်းကျန့်စီစုပုံရောက်နေတော့တယ်

အစကတော့ သူဘာကြောင့်ကိုယ့်ကိုမုန်းနေမှန်းမသိခဲ့။ ခုတော့သိပါပြီ။ ၀မ်ရိပေါ်အဘိုးကြီးကို အသေရရ အရှင်ရရ လိုချင်နေမှန်း.. ။ အဲ့လူကြီးကလဲ အသက်နောက်ပြန်သွားနေသလားမှတ်ရအောင် ချောမောနေတော့လဲ ကပ်ပါးမ့ကကြွေပြီပေါ့။ ၀မ်ရိပေါ်ကတော့ ညီမလေးလိုပဲလို့ ဖင်ပိတ်ငြင်းနေတာပဲ။ ဘယ်သူကသိမှာလဲ သူတို့အချစ်ရေးကို ...စိတ်မ၀င်စားပါဘူး။

ကျောက်မိန်၀င်ထိုင်လိုက်တာနဲ့ရှောင်းကျန့်က ထသွားဖို့လုပ်တော့တယ်။

"ခဏနေပါဦး ရှောင်းကျန့် "

"ဦး၀မ်က အိမ်ပေါ်မှာ ရေချိုးနေတယ် မစောင့်နိုင်ရင်ကိုယ်တိုင် သွား‌ခေါ်လိုက်ပါလား ။ ကျွန်တော်ခဗျားနဲ့စကားမပြောချင်ဘူး "

" နင်‌၀မ်ကောကောကို
တကယ်မကြိုက်တာလား"

တကယ်ဆို သူများအိမ်ထောင်ရေးကို ကျောက်မိန်က ဖျက်စီးဖြိုခွဲလိုစိတ်တော့မရှိ။ ဒါပေမဲ့ စောင့်ကြည့်ရသလောက် ကြာလေ ‌ပိုသိလာရတာက ရှောင်းကျန့်က ၀မ်ရိပေါ်ကို စိတ်၀င်စားပုံမရ ။လူတွေရှေ့ဘယ်လောက်ပဲ ဟန်ဆောင်ထား ဟန်ဆောင်ထား
မုန်းနေတယ်လို့တောင် ပြောလို့ရတယ် ။ သူမ ကောကောအနားကပ်လဲ စိတ်မဆိုးတဲ့အပြင် ရှောင်တောင်ရှောင်ပေးနေသေးတယ်။ အဲ့ဒါဆို ဘာလို့ ယူထားကြပါလိမ့် ....ဒီလိုနဲ့ပဲ တဖတ်သတ်မျှော်လင့်ချက်တွေက ပြန်ဖြစ်လာတော့တာ ...