مدللــــــــــــــتي

مدللتــــــــــــــي & صابرين شعبان

تعالوا اقولكم
ليا مزاج للثرثرة معاكم من زمان ما حكينا و لا تواصلنا  تعرفوا
  أنا لو حلفتلكم  أن مدللتي كانت فكرتها  كوميدية  مش هتصدقوني 😂  بعد كم النكد اللي فيها   بس دا حقيقي  كان في بالي  حاجة كدا زي  سلسلة العيلة  بطريقة مختلفة بس الغالب  عليها الطابع الفكاهي معرفش  ايه اتغير  و خلاني  أمشي  في سكة النكد دي يمكن  الظروف  اللي بنمر بيها بتشكل بعض  القناعات  و تغيرها  للنقيض  أو هو القالب  اللي هتكون  عليه الرواية باحداثها  استدعى انها  تكون  جادة أو أنا بقيت نكدية كل شيء  جايز  الحقيقة المهم  أنها  طلعت زي ما قريتوها  كدا  مدللتي  أكتر رواية أخدت معايا وقت كتابة و مازالت بتاخد مش هتصدقوا لو قلتلكم  أن سلسلة العيلة ماخدتش الوقت ده كله و هى سلسلة خمس أجزاء  تعرفوا أنا مش حباني كدا مش حابة النكد و الأفورة  أنا واحدة بسيطة بحب كل حاجة بسيطة أنا عمري ما كنت عميقة و لا بعرف  أكون أنا بحب الفرفشة و بكره  النكد لم بدأت أكتب  مفكرتش في لحظة أني أقدم  رسالة في كتاباتي كانت رسالتي الوحيدة إني ابسط  نفسي  باللي بكتبه مش ابسطكم معايا لم لقيت  انكم بتحبوا شخبطتي قلت خير  بس مازالت  لا أقدم  رسالة أنا  بعترف  أن كتاباتي كانت فجة في بدايتها لحد وقت قريب هقولكم  حاجة أنا طول عمري بقرا  قصص مترجمة من و انا في اعدادي  يعني تقدروا تقولوا إن الروايات دي هى اللي شكلت طريقة كتابتي بعيد عن اللغة البسيطة بتاعتي  وجدت إني بكتب المشاهد الرومانسية صريحة زي ما هما بيكتبوها  اكتشفت بعدين إن ممكن ناس تتأثر بيها صراحة يعني مكنتش مصدقة ان في بنات هبل كدا 😂😂 أكمني يعني  طول عمري  بقراها  و أنا  مش بتأثر يعني اتضح ان أنا اللي جبلة و مش طبيعية مش الجميع  😂😂😂 المهم  أنا  بدأت  اهتم شوية  بالأمر  و احاول  بقدر الإمكان  اخفف الرومانسية و المحن  بتاع ابطالي و الفهم  دا مش هبط عليا من السما   😊 لا كان نصيحة بفهم من ناس بتحبني الحمد لله  💗  بس لسه ابطالي ليهم   شطحات  كدا و انحرفات ربنا  يهديني و يهديهم  😅 فمش عارفة هل الناس اللي بتقرا  كل كلمة بكتبها  لاحظوا كدا و لا لأ  عموما  يعني بحاول برضوا يعني الواحد بيتعلم و بيطور  نفسه  شوية شوية بس أرجع  و اقول  و أكد أنا معنديش رساله  اقدمها لحد أنا كنت حريصة إني مفسدش و دي كانت نيتي لم كتبت اني مكتبش حاجة تسيء لحد إذا ما كانت هتنفعه يا رب أكون عملت كدا  ديما حطوا في بالكم إني مش  كاتبة و المفروض اكون صاحبة رسالة زي ما كل كاتب بيطلع يصيح بكدا أنا لا الحقيقة  لذلك  كل اللي هقوله  كصابرين و اللي صابرين  نفسها  يسود  حبوا بعض يا جماعة حبوا عيلتكم  أولادكم  اهلكم  ازواجكم  حبوا بلدكم  و قبل كل دا حبوا ربنا حبوا   بعض في الله  حبوا كل حاجة في الله لانها  هتكون  حجة عليكم  يوم  الدين  حبوا دينكم  و نبيكم  شفيعكم  هى دي رسالتي  ليكم  بقولها بلساني مش عن طريق  هبداتي خلينا نتسلي بالهبد  دا و نتبسط  اما اذا كان هيضر حد فبلاها  ديما  حبوا اي حاجة فيها خير لدينكم و لنفسكم  و لحبايبكم  اتمنى  مكنش ازعجتكم  بثرثرتي  و لو حد عنده نصيحة ليا أو  تنبيه أو  اعتراض  يا ريت يقوله  و نتناقش نثرثر زي ما تحبوا  😘😘😘
كان معكم  صابرين  شعبان  من صالون منزلي الإسكندرية  😂😂

سمعاكي يالي بتغلطي و تقولي بحسبه فصل 😂😂😂